ନୂଆଦିଲ୍ଲୀ : ଦେଶରେ ସାମଗ୍ରିକ କରୋନା ଟିକାକରଣ ଗୁରୁବାର ୧୪୦ କୋଟି ଅତିକ୍ରମ କରିଛି । ଆଜି ଅପରାହ୍ନ ୩.୩୦ ମିନିଟ ସୁଦ୍ଧା ୧୪୦ କୋଟି ୨୦ ଲକ୍ଷ ୧୭ ହଜାରରୁ ଅଧିକ ପାନ ଟିକା ଦିଆଯାଇଛି । ସ୍ବାସ୍ଥ୍ୟ ମନ୍ତ୍ରଣାଳୟର ସୂଚନା ମୁତାବକ କେବଳ ଆଜି ୩.୩୦ ମିନିଟ ସୁଦ୍ଧା ସାରା ଦେଶରେ ୪୬ ଲକ୍ଷ ୨୦ ହଜାରରୁ ଅଧିକ ପାନ ଟିକା ଦିଆଯାଇଛି । ୮୩ କୋଟି ୪୦ ଲକ୍ଷ ୮୬ ହଜାରରୁ ଅଧିକ ପ୍ରଥମ ପାନ ଟିକା ଦିଆଯାଇଥିବାବେଳେ ୫୬ କୋଟି ୭୯ ଲକ୍ଷ ୩୦ ହଜାରରୁ ଅଧିକ ଦ୍ୱିତୀୟ ପାନ ଟିକା ଦିଆଯାଇଛି ।
ଦେଶର ୬୦% ଯୋଗ୍ୟ ହିତାଧୀକାରୀଙ୍କୁ ଉଭୟ ପାନ ଟିକା ଦିଆଯାଇଥିବା କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମନସୁଖ ଲାଲ ମାଣ୍ଡଭ୍ୟ ଟ୍ବିଟ ଯୋଗେ ସୂଚନା ଦେଇଛନ୍ତି । ଓମିକ୍ରନ ସଂକ୍ରମଣକୁ ଦୃଷ୍ଟିରେ ରଖି ଟିକାକରଣକୁ ଅଧିକ ବ୍ୟାପକ କରାଯାଇଛି ।
ସେହିଭଳି ରାଜ୍ୟରେ ଏପର୍ଯ୍ୟନ୍ତ ୪ କୋଟି ୮୧ ଲକ୍ଷ ୮୮ହଜାରରୁ ଅଧିକ ପାନ କରୋନା ଟିକା ଦିଆଯାଇଛି । ସେଥିମଧ୍ୟରୁ ୨ କୋଟି ୮୮ ଲକ୍ଷ ୬ହଜାରରୁ ଅଧିକ ପ୍ରଥମ ପାନ ଟିକା ଦିଆଯାଇଥିବାବେଳେ ୧ କୋଟି ୯୩ ଲକ୍ଷ ୮୨ ହଜାରରୁ ଅଧିକ ଦ୍ୱିତୀୟ ଡୋଜ୍ ଟିକା ଦିଆଯାଇଛି।
Accomplishing more new feats!
Congratulations India 🇮🇳
Aided by public participation & dedicated efforts of our health workers, over 60% of the eligible population fully vaccinated now 💉#SabkoVaccineMuftVaccine pic.twitter.com/cts7lR8SzA
— Dr Mansukh Mandaviya (@mansukhmandviya) December 23, 2021
