ଫୁଲବାଣୀ: ଜାଡରେ ଥରୁଛି କନ୍ଧମାଳ ଜିଲ୍ଲା । ଲଗାତର ଭାବରେ ଦୁଇ ଦିନ ହେଲା କନ୍ଧମାଳ ଜିଲ୍ଲାର ଦାରିଙ୍ଗବାଡ଼ି ଓ ଫୁଲବାଣୀ ଅଂଚଳରେ ତୁଷାରପାତ ଦେଖିବାକୁ ମିଳୁଛି । ଦାରିଙ୍ଗବାଡ଼ି ଅଞ୍ଚଳରେ ତୁଷାରପାତ ହୋଇଥିବା ବେଳେ, ଫୁଲବାଣୀର ରୁଜାଙ୍ଗି ଅଞ୍ଚଳରେ ଆଜି ତୁଷାର ପାତ ହୋଇଛି। ଆଜି ଫୁଲବାଣୀରେ ୪ ଡିଗ୍ରୀ ତାପମାତ୍ରା ରହିଥିବା ବେଳେ ଦାରିଙ୍ଗବାଡିରେ ୩.୫ ଡିଗ୍ରୀ ତାପମାତ୍ରା ରହିଛି । ଗତକାଲି ଫୁଲବାଣୀରେ ତାପମାତ୍ରା ୬.୫ ଡିଗ୍ରୀ ଓ ଦାରିଙ୍ଗବାଡିରେ ୪ ଡିଗ୍ରୀ ତାପମାତ୍ରା ଥିଲା । ସକାଳ ୯ଟା ପର୍ୟ୍ୟନ୍ତ କନ୍ଧମାଳ ଜିଲ୍ଲାରେ ଘନ କୁହୁଡ଼ିର ଆସ୍ତରଣ ଦେଖିବାକୁ ମିଳୁଛି । ପାଣିପାଗ ବିଭାଗ ସୂଚନା ଅନୁସାରେ ଆହୁରି ଦୁଇରୁ ତିନି ଦିନ ଶୀତର ପ୍ରକୋପ ଜାରି ରହିବ। ଗ୍ରାମାଞ୍ଚଳରେ ସାଧରଣ ଲୋକ ଶୀତ ରେ ଅସ୍ତବ୍ୟସ୍ତ ହୋଇଗଲେଣି । ଗ୍ରାମାଞ୍ଚଳରେ ଗ୍ରାମବାସୀ ନିଆଁର ସାହାରା ନେବା ସହ ନିଜ ପେଟପାଟଣା ପାଇଁ ବାହାରକୁ ଯାଇପାରୁନାହାନ୍ତି ।
Popular Categories
Previous article
Next article