ରେଙ୍ଗାଲି : ଲପଙ୍ଗା ସ୍ଥିତ ଆଦିତ୍ୟ ଆଲୁମିନା କମ୍ପାନୀରେ ପ୍ରକଳ୍ପ ବିସ୍ଥାପିତ ସ୍ୱର୍ଗତ ପ୍ରକାଶ ଓରାମଙ୍କ ପରିବାରକୁ ନିଯୁକ୍ତି ଦେବା ଦାବି ନେଇ ଗତକାଲି ଠାରୁ ମୃତ ପକାଶ ଓରାମଙ୍କ ପରିବାର ଏବଂ ଲୁଧାପାଲି ଆର୍.ଏଣ୍ଡ୍ .ଆର୍ କୋଲନୀର ମହିଲା ମାନେ ଆଦିତ୍ୟ ଆଲୁମିନା ପ୍ରକଳ୍ପ ମୂଖ୍ୟ ଫାଟକ ସାମ୍ନାରେ ଆରମ୍ଭ କରିଥିବା ଆନ୍ଦୋଳନ ଆଜି ମଧ୍ୟ ଅବ୍ୟାହତ ରହିଛି । ଗତକାଳି ରେଙ୍ଗାଲି ତହସିଲଦାର ଦମୟନ୍ତି ସାହୁ ସଦର ଏସଡିପିଓ ପ୍ରଦୀପ କୁମାର ସାହୁ ଏବଂ କମ୍ପାନୀର ବରିଷ୍ଠ ଅଧିକାରୀ ମାନେ ଆନ୍ଦୋଳନକାରୀ ମାନଙ୍କ ସହିତ ଏକାଧିକ ଥର ଆଲୋଚନା କରିଥିଲେ ମଧ୍ୟ କୌଣସି ସମାଧାନ ହୋଇପାରି ନଥିଲା । ଅନ୍ଦୋଳନ ଅବ୍ୟାହତ ରହିଥିବା ପରିପ୍ରେକ୍ଷୀରେ ଏହାର ସମାଧାନ ପାଇଁ ଆଜି ସ୍ୱତନ୍ତ୍ର ଭୂ-ଅର୍ଜନ ଅଧିକାରୀ ସରୋଜ ମିଶ୍ର, ସଦର ଏସଡିପିଓ ପ୍ରଦୀପ କୁମାର ସାହୁ ଆନ୍ଦୋଳନ ସ୍ଥଳରେ ପହଞ୍ଚି ଆନ୍ଦୋଳନକାରୀ ମାନଙ୍କ ସହିତ ଏକାଧିକ ଥର ଆଲୋଚନା ଏବଂ ବୁଝାସୁଝା କରିଥିଲେ ମଧ୍ୟ ଆଲୋଚନା ବିଫଳ ହୋଇଥିବାର ଜଣାପଡିଛି । ନିଯୁକ୍ତି ନଦେବା ଯାଏ ଆନ୍ଦୋଳନ ଅବ୍ୟାହତ ରହିବ ବୋଲି ଆର୍.ଏଣ୍ଡ୍ ଆର୍ କଲୋନୀର ଆନ୍ଦୋଳନକାରୀ ମାନେ ଜିଦ୍ ଧରି ବସିଛନ୍ତି।
Popular Categories
Previous article
Next article