ଦୁନିଆରେ ପ୍ରତ୍ୟେକ ବସ୍ତୁର ଏକ ବିଶେଷ ତତ୍ତ୍ୱ, ରଙ୍ଗ ଓ ମହତ୍ତ୍ୱ ରହିଥାଏ। ଏହା ଭିନ୍ନ ଭିନ୍ନ କେନ୍ଦ୍ର ଦ୍ୱାରା ନିୟନ୍ତ୍ରିତ କରାଯାଇଥାଏ। ସେହି ତତ୍ତ୍ୱ,ରଙ୍ଗରେ ଅସନ୍ତୁଳନ ସୃଷ୍ଟି ହେବା ଦ୍ୱାରା ଜୀବନରେ ଅନେକ ପ୍ରକାର ସମସ୍ୟା ଉପୁଜିଥାଏ।
ଜ୍ୟୋତିଷ ଶାସ୍ତ୍ରରେ ଜୀବନରେ ସୃଷ୍ଟି ହେଉଥିବା କେତେକ ସମସ୍ୟାର ସମାଧାନ ପାଇଁ ରତ୍ନ ଧାରଣ କରିବାକୁ ପରାମର୍ଶ ଦିଆଯାଇଥାଏ। ବିଶେଷ କରି ରତ୍ନ ଧାରଣା କରିବାବେଳେ ଅନେକ ସବୁ ଦିଗ ପ୍ରତି ସଚେତନ ହେବା ଉଚିତ। ରତ୍ନ ଜୀବନରେ ଅନେକ ପ୍ରଭାବ ପକାଇଥାଏ। ରତ୍ନ ସର୍ବ ପ୍ରଥମେ ଜୀବନ ଚକ୍ର ଓ ପରେ ମନୁଷ୍ୟ ମନରେ ପ୍ରଭାବ ପକାଇଥାଏ। ରତ୍ନ ଧାରଣ କରିବାର ଅନେକ ନିୟମ ରହିଛି। ଏହା ଧାରଣ କରିବା ବେଳେ ଅନେକ ସାବଧାନ ରହିବା ଉଚିତ।
ରତ୍ନ ଧାରଣ କରିବାର ନିୟମ:
ରତ୍ନ ଧାରଣ କରିବା ବେଳେ ସର୍ବଦା ରାଶି ଓ ଲଗ୍ନ ଦେଖି ପିନ୍ଧିବା ଉଚିତ।
ଏକା ସହ ଅନେକ ରତ୍ନ ଧାରଣ କରାଯାଇ ପାରିବ। କିନ୍ତୁ ପରସ୍ପର ବିରୋଧୀ ଥିବା ରତ୍ନ ଏକାସହ ଧାରଣ କରନ୍ତୁ ନାହିଁ।
ପରସ୍ପର ବିରୋଧୀ ରତ୍ନ ଧାରଣ କରିବା ଦ୍ୱାରା ମାନସିକ ପୀଡା ଓ ଦୁର୍ଘଟଣା ଘଟିବାର ସମ୍ଭାବନା ରହିଛି।
ରତ୍ନକୁ ସର୍ବଦା ସୁନା, ଚାନ୍ଦି ଓ ତମ୍ବାରେ ଧାରଣ କରିବା ଉଚିତ।
ଯେଉଁ ହାତରେ ଆପଣ କାର୍ଯ୍ୟ କରୁଛନ୍ତି ସେହି ହାତରେ ରତ୍ନ ଧାରଣ କରିବା ଉଚିତ।
ରତ୍ନକୁ କେବଳ ଶୁଦ୍ଧ କରି ଧାରଣ କରାଯାଇ ପାରିବ।
ସୂର୍ଯ୍ୟୋଦୟ ଓ ସୂର୍ଯ୍ୟାସ୍ତ ସମୟରେ ରତ୍ନ ଧାରଣ କରିବା ଉତ୍ତମ ସମୟ ଅଟେ।
