ଚୌଦ୍ୱାର : ଟାଙ୍ଗୀ-ଚୌଦ୍ୱାର ବ୍ଲକ୍ କୟଳପଡ଼ା ପଞ୍ଚାୟତ ସିମିଳିହାଣ୍ଡ ଗ୍ରାମର ଅର୍ପିତା ନାୟକ ସର୍ବଭାରତୀୟ ଡାକ୍ତରୀ ପ୍ରବେଶିକା ପରୀକ୍ଷା (ନିଟ୍)ରେ କୃତିତ୍ୱ ହାସଲ କରିଛନ୍ତି । ସେ ୬୫୫ ନମ୍ବର ରଖି ସର୍ବଭାରତୀୟ ସ୍ତରରେ ୩୩୩୮ ସ୍ଥାନରେ ରହିଛନ୍ତି । ଶିକ୍ଷକ ଅକ୍ଷୟ କୁମାର ନାୟକ ଓ ନମିତା ଦେଓଙ୍କ ଏକମାତ୍ର କନ୍ୟା ତଥା ଚାରବାଟିଆସ୍ଥିତ କେନ୍ଦ୍ରିୟ ବିଦ୍ୟାଳୟର ଛାତ୍ରୀ ଅର୍ପିତା ନିଟ୍ ପରୀକ୍ଷାରେ ସଫଳ ହୋଇଥିବାରୁ ବିଦ୍ୟାଳୟର ଅଧ୍ୟାପନା ମଣ୍ଡଳୀ ତଥା ଅଞ୍ଚଳବାସୀଙ୍କ ମଧ୍ୟରେ ଆନନ୍ଦ ପ୍ରକାଶ ପାଇଛି । କୃତିଛାତ୍ରୀ ଅର୍ପିତା ଜଣେ ମେଧାବୀ ଛାତ୍ରୀ ଭାବେ ବିଦ୍ୟାଳୟରେ ସମସ୍ତଙ୍କର ପ୍ରିୟ ହୋଇ ପାରିଛନ୍ତି । ତାଙ୍କୁ ବିଦ୍ୟାଳୟ ତରଫରୁ ବିଭିନ୍ନ ସମ୍ମାନରେ ସମ୍ମାନିତ କରାଯିବା ସହିତ ମ୍ୟାଟ୍ରିକ୍ ଓ +୨ ପରୀକ୍ଷାରେ ବିଦ୍ୟାଳୟରେ ସର୍ବାଚ୍ଚ ନମ୍ବର ରଖି ସେ କେନ୍ଦ୍ରିୟ ବିଦ୍ୟାଳୟର ଶ୍ରେଷ୍ଠ ଛାତ୍ରୀ ଭାବେ ସମ୍ମାନିତ ହୋଇଛନ୍ତି । ଆଗାମୀ ଦିନରେ ଡାକ୍ତର ହୋଇ ଜନ ସେବାରେ ବ୍ରତୀ ରହିବେ ବୋଲି ଅର୍ପିତା ପ୍ରକାଶ କରିଛନ୍ତି । କୟଳପଡ଼ା ସରପଞ୍ଚ ରଶ୍ମୀ ରଞ୍ଜନ ପ୍ରଧାନ, ସମାଜସେବୀ ସହଦେବ ବରାଳ,କେନ୍ଦ୍ରୀୟ ବିଦ୍ୟାଳୟ ଅଧ୍ୟକ୍ଷ ମହେଶ କୁମାୱତ୍ ଏବଂ ଶିକ୍ଷକ/ଶିକ୍ଷୟତ୍ରୀ ବୃନ୍ଦ ଅର୍ପିତାଙ୍କ କୃତି ପାଇଁ ତାଙ୍କୁ ଶୁଭେଚ୍ଛା ଜଣାଇଛନ୍ତି ।
Popular Categories
Previous article
Next article