ଟିଟିଲାଗଡ଼ : ଟିଟିଲାଗଡ଼ ଉପଖଣ୍ଡ ଅନ୍ତର୍ଗତ ତୁରକେଲାର ଜଣେ ଯୁବତୀ ନିଖୋଜ ଘଟଣା ନେଇ ବଲାଙ୍ଗୀର ଜିଲା ପୁଲିସ ଅଧିକ୍ଷକ ନିତିନ କୁଶଲକର ଆଜି ଦିନ ତମାମ ଟିଟିଲାଗଡ଼ରେ ଉପସ୍ଥିତ ରହି ତନାଘନା ଚାଲିଥିବା ଆଲୋଚନାର ବିଷୟ ହୋଇଛି । ମଧ୍ୟ ରାତିରେ ଜିଲା ପୁଲିସ ଅଧିକ୍ଷକ ଟିଟିଲାଗଡ଼ ରେଳବାଇ ଷ୍ଟେସନରେ ଅନେକ ସମୟ ଧରି ରହିଥିବା ଦେଖାଯାଇଥିଲା । ଅନ୍ୟ ପଟରେ ଟିଟିଲାଗଡ଼ ସହରର ସମସ୍ତ ସୀମାରେ ପୁଲିସ ଯାଞ୍ଚ କଡାକଡି କରିଛି । ପ୍ରତ୍ୟେକ ଗାଡିକୁ ଯାଞ୍ଚ କରୁଛି ପୁଲିସ । ଟିଟିଲାଗଡ଼ ଉପଖଣ୍ଡ ପୁଲିସ ଅଧିକ୍ଷକ ସୁରେନ୍ଦ୍ରନାଥ ଶତପଥି, ଥାନା ଅଧିକାରୀ ରଞ୍ଜନ ବରିହା, ସିନ୍ଧେକେଲା ଥାନା ଅଧିକାରୀ ପଞ୍ଚାନନ ନାୟକ ଟିଟିଲାଗଡ଼ ଅଞ୍ଚଳରେ ପଇଁତରା ମାରୁଥିବା ଦେଖାଯାଇଛି ।
ଯୁବତୀ ଜଣକ କଳାହାଣ୍ଡି ଜିଲା କେଗାଁ ଥାନା ଅନ୍ତର୍ଗତ ମହାଳିଙ୍ଗ ଗ୍ରାମର ଏକ ଘରୋଇ ଶିକ୍ଷ।ନୁଷ୍ଠାନରେ କାର୍ୟ୍ୟ କରୁଥିଲେ । ଗତ ୮ ତାରିଖରୁ ସେ ନିଖୋଜ ହୋଇଥିବା ସିନ୍ଧେକେଲା ପୁଲିସ ନିକଟରେ ଅଭିଯୋଗ ହୋଇଛି । ହେଲେ ପୁଲିସ ନିକଟରେ ଯୁବତୀଙ୍କ କୌଣସି ଖୋଜଖବର ନଥିବା ବେଳେ ଟିଟିଲାଗଡ଼ ସହରର ବିଭିନ୍ନ ସୀମାନ୍ତରେ ରାତ୍ରୀ ୨.୩୦ ପର୍ୟ୍ୟନ୍ତ ପୁଲିସ ଅଧିକାରୀ ଅନିଦ୍ରା ରହି ବିଭିିନ୍ନ ଅଞ୍ଚଳକୁ ଅବରୋଧ କରି ତଲାସି କରିବା ଚର୍ଚ୍ଚାର ବିଷୟ ହୋଇଛି ।
ଟିଟିଲାଗଡ଼ ସୀମା ସିଲ
Popular Categories
Previous article
Next article