ଟିଟିଲାଗଡ଼ : ଟିଟିଲାଗଡ଼ ଉପଖଣ୍ଡ ଅନ୍ତର୍ଗତ ସଇଁତଲା ଥାନା ଲୁହୁରାପାଳି ଗ୍ରାମ ନିକଟରେ ଜାତୀୟ ରାଜପଥ ୨୬ରେ ଆଜି ଭୋରରୁ ଏକ ଟ୍ରକ ଏବଂ ଅଟୋ ମୁହାଁମୁହିଁ ଧକ୍କା ହୋଇଛି। ଟ୍ରକ ଏବଂ ଅଟୋ ମୁହାଁମୁହିଁ ଧକ୍କା ହୋଇ ଅଟୋ ଆରୋହୀ ଦୁଇ ଜଣଙ୍କ ମୃତ୍ୟୁ ଘଟିଛି। ମୃତକ ସଇଁତଲା ଥାନା ଅନ୍ତର୍ଗତ ଶିଷକେଲା ଗ୍ରାମର ସୁବଳ ସାହୁ ଏବଂ କୈବଲ ମାଝୀ ବୋଲି ଜଣାଯାଇଛି ।
ଅଟୋରେ ଥିବା ସୁବଳଙ୍କ ପୁଅ ଦେବାଶିଷଙ୍କୁ ଗୁରୁତର ଅବସ୍ଥାରେ ବଲାଙ୍ଗୀର ସ୍ଥାନାନ୍ତର କରାଯାଇଛି । ଉକ୍ତ ଅଟୋରେ ତିନି ଜଣ ପାଖ ବଜାରକୁ ଯାଉଥିବା ଜଣାପଡ଼ିଛି । ଦୁର୍ଘଟଣାରେ ଉଭୟ ଟ୍ରକ ଏବଂ ଅଟୋ ଓଲଟି ପଡ଼ିଛି । ଖବର ପ୍ରସାରିତ ହେବା ପରେ ଉତ୍ତେଜନା ସୃଷ୍ଟି ହୋଇଛି । ପରିବାର ଲୋକେ ତଥା ସ୍ଥାନୀୟ ଗ୍ରାମବାସୀ ମୃତକଙ୍କ ପରିଜନଙ୍କୁ ଉପଯୁକ୍ତ ଆର୍ଥିକ ସହାୟତା ପ୍ରଦାନ କରିବାକୁ ଜାତୀୟ ରାଜପଥ ଅବରୋଧ କରିଛନ୍ତି । ସଇଁତଲା ପୁଲିସ ପହଞ୍ଚି ଆନ୍ଦୋଳନକାରୀଙ୍କ ସହ ଆଲୋଚନା ଜାରି ରଖିଛି ଘଟିଛି।
ଟ୍ରକ – ଅଟୋ ମୁହାଁମୁହିଁ ଧକ୍କା ; ଦୁଇ ମୃତ, ଜଣେ ଗୁରୁତର
Popular Categories
Previous article
Next article