ସାଓପାଓଲୋ : ପେଟରେ ହୋଇଥିବା ଅସ୍ତ୍ରୋପଚାର ପରେ ବର୍ତ୍ତମାନ ସୁସ୍ଥ ଅଛନ୍ତି ବ୍ରାଜିଲ୍ର ମହାନ୍ ଫୁଟବଲର୍ ପେଲେ। କିଛିଦିନ ସ୍ବାସ୍ଥ୍ୟପରୀକ୍ଷା ପରେ ପେଲେଙ୍କ ପେଟର ଏକ ସ୍ଥାନରେ ମାଂସପେଶୀ ବଢ଼ୁଥିବା କଥା ଜଣା ପଡ଼ିଥିଲା। ତାହାକୁ ବାହାର କରିବା ନିମନ୍ତେ ଡାକ୍ତର ଅସ୍ତ୍ରୋପଚାର କରିବାକୁ ବାଧ୍ୟ ହୋଇଥିଲେ।
ସୋମବାର ପେଲେ ସାମାଜିକ ଗଣମାଧ୍ୟମରେ ଏକ ବାର୍ତ୍ତା ଛାଡ଼ି ଦର୍ଶାଇଛନ୍ତି ଯେ ଅସ୍ତ୍ରୋପଚାର ପରେ ସେ ସୁସ୍ଥ ଅଛନ୍ତି। ଖୁବ୍ ଶୀଘ୍ର ଘରକୁ ଫେରିବାର ଆଶାରହିଛି। ନିଜ କ୍ୟାରିୟରରେ ବ୍ରାଜିଲ୍ ପାଇଁ ୩ଟି ବିଶ୍ବକପ୍ ଜିତିଥିବା ୮୦ ବର୍ଷୀୟ ପେଲେଙ୍କ ଅସ୍ତ୍ରୋପଚାର ସ୍ଥାନୀୟ ଆଲବର୍ଟ ଆଇନ୍ଷ୍ଟାଇନ୍ ଡାକ୍ତରଖାନାରେ କରାଯାଇଥିଲା। ଡାକ୍ତରଖାନା ସୂତ୍ରରୁ ମିଳିଥିବା ସୂଚନାନୁଯାୟୀ ପେଲେ ବର୍ତ୍ତମାନ ସୁସ୍ଥ ଅଛନ୍ତି ଓ ଅତିକମ୍ରେ ଏକସପ୍ତାହ ଡାକ୍ତରଖାନାରେ ରହିବେ। ସୂଚନାଯୋଗ୍ୟ; ଖେଳୁଥିବା ବେଳେ ପେଲେ ଖୁବ୍ କମ୍ ଆଘାତପ୍ରାପ୍ତ ହେବାର ନଜର ରହିଥିବା ବେଳେ ଗତ କିଛିବର୍ଷ ହେବ ତାଙ୍କ ଅଣ୍ଟା ମାଂସପେଶୀରେ ଆଘାତ ଲାଗିଥିବାରୁ ସେ ବିନା ସହାୟତାରେ ଚଲାବୁଲା କରି ପାରୁନାହାନ୍ତି।
ଅସ୍ତ୍ରୋପଚାର ପରେ ସୁସ୍ଥ ଅଛନ୍ତି ପେଲେ
Popular Categories
Previous article
Next article