ସମ୍ବଲପୁର :ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ ଲାଗି ଲଗ୍ନ ଧାର୍ଯ୍ୟ ହୋଯାଇଛି। ଆସନ୍ତା ୧୪ତାରିଖ ପୂର୍ବାହ୍ନ ୮ଟା ୧୦ ମିନିଟରୁ ୮ଟା ୪୦ ମଧ୍ୟରେ ମାଁ ସମଲେଇଙ୍କ ଠାରେ ନବାହ୍ନ ଲାଗି ହେବ। ଏଣୁ ସମ୍ବଲପୁର ସହର ଝାଡୁଆପଡ଼ାର ବ୍ରହ୍ମପୁରା ମନ୍ଦିର ଠାରେ ଶ୍ରୀ ଶ୍ରୀ ବ୍ରହ୍ମ ମଣ୍ଡପ ପଣ୍ଡିତ ମହାସଭା ବସି ସୋମବାର ଅପରାହ୍ନ ୪ଟାରେ ଏହି ଲଗ୍ନ ଧାର୍ଯ୍ୟ କରାଯାଇଛି। ପ୍ରଥମେ ବିଷ୍ଣୁ ସହସ୍ର ନାମ ଜପ ପରେ ମାଁ ସମଲେଶ୍ୱରୀଙ୍କ ରାଶି ଅନୁଯାୟୀ ସମୟ ନିର୍ଘଣ୍ଟ ଧାର୍ଯ୍ୟ କରାଯାଇଛି। ମାଁ ସମଲେଶ୍ୱରୀଙ୍କ ୨୪/୧୧ ଶତଭିସା କୁମ୍ଭ ରାଶି ହୋଇଥିବା ବେଳେ ମନ୍ତ୍ର ଉଚାରଣ ପରେ ସମୟ ନିର୍ଘଣ୍ଟ ସ୍ଥିର କରାଯାଇଛି। ପ୍ରଥମେ ମାଁଙ୍କ ଠାରେ ନବାହ୍ନ ଭୋଗ ଲାଗି ହେବା ପରେ ଅନ୍ୟ ଦେବା ଦେବୀଙ୍କ ଠାରେ ନୂଆଁଲାଗି ହେବ। ଏହା ପରେ ପଶ୍ଚିମ ଓଡ଼ିଶାବାସୀ ନୂଆଁ ଖାଇବେ। ତେବେ ଲଗ୍ନ ଧାର୍ଯ୍ୟ ହେବା ପରେ ନୂଆଁଖାଇ ପାଇଁ ଯୋରସୋର ପ୍ରସ୍ତୁତି ଆରମ୍ଭ ହେବ। ଲଗ୍ନ ଧାର୍ଯ୍ୟରେ ପଣ୍ଡିତ ମହାସଭାର ଅମର ନାଥ ମିଶ୍ର, ସଚ୍ଚିଦାନନ୍ଦ ପ୍ରସାଦ ମିଶ୍ର କର ଶର୍ମା, ମହେନ୍ଦ୍ର ପୂଜାରୀ, କମଳକାନ୍ତ ମିଶ୍ର, ଶୈଳେନ୍ଦ୍ର ପୂଜାରୀ, ସୁରେଶଚନ୍ଦ୍ର ଦେବତା, ଗୋପୀନାଥ ପଣ୍ଡା, କୃଷ୍ଣଚନ୍ଦ୍ର ପାଣିଗ୍ରାହୀ, ପ୍ରଭୁଦତ୍ତ ନାୟକ ପ୍ରମୁଖ ପଣ୍ଡିତ ଯୋଗ ଦେଇଥିଲେ। ଏଥିସହ ବ୍ରହ୍ମପୁରା ମନ୍ଦିର କମିଟି ସଭାପତି ସରୋଜ ଦଳପତ, ସୁମନ୍ତ କୁମାର ମିଶ୍ର, ଶୁଭେନ୍ଦ୍ର ପଣ୍ଡା, ସୁଶାନ୍ତ ପୁରୋହିତ, ପାର୍ଥ ସାରଥୀ ମିଶ୍ର, ପ୍ରାଣରଞ୍ଜନ ପଣ୍ଡା ଓ ଅଭିଷେଖ ମିଶ୍ର ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
Popular Categories
Previous article
Next article