ପଶ୍ଚିମ ଓଡ଼ିଶା ପ୍ରତି କେନ୍ଦ୍ର ସରକାର ଦୋମୁହାଁ ନୀତି ରଖୁଥିବା ଅଭିଯୋଗ କରି କଣ୍ଟାବାଞ୍ଜି ବିଜେଡିର ଜନସଚେତନତା କାର୍ଯ୍ୟକ୍ରମ

କଣ୍ଟାବାଞ୍ଜି : ତୁରକେଲା ବ୍ଲକ ସ୍ଥିତ ମହଖଣ୍ଡ ଗ୍ରାମପଞ୍ଚାୟତରୁ ବିଜେଡିର ଜନସଚେତନତା କାର୍ୟ୍ୟକ୍ରମ ଅନୁଷ୍ଠିତ ହୋଇଛି। ବିଧାୟକ ପ୍ରାର୍ଥୀ ଅଜୟ ଦାସଙ୍କ ନେତୃତ୍ବରେ କାର୍ୟ୍ୟକ୍ରମ ଆରମ୍ଭ ହୋଇଥିଲା। ପଶ୍ଚିମ ଓଡିଶାର ଜନସାଧାରଣଙ୍କୁ ପ୍ରଧାନମନ୍ତ୍ରୀ ଆବାସ ଘର ଯୋଗାଇ ଦେବାକୁ ଦୋମୁହାଁ ନୀତି ଅବଲମ୍ବନ କରୁଥିବା ଅଭିଯୋଗ କରିବା ସହ ଏ ବିଷୟରେ ଗ୍ରାମମାନଙ୍କରେ ଜନସାଧାରଣଙ୍କୁ ଅବଗତ କରାଯାଇଥିଲା। ବିଗତ ୧ ବର୍ଷ ହେଲା ପଶ୍ଚିମ ଓଡିଶାର ବିଭିନ୍ନ ଜିଲ୍ଲାରେ ପ୍ରାୟ ୮ ଲକ୍ଷରୁ ଊର୍ଦ୍ଧ୍ବ ଘର ପାଇବା ପାଇଁ ଯୋଗ୍ୟ ହିତାଧିକାରୀମାନଙ୍କର ଏକ ସୂଚୀ ରାଜ୍ୟ ସରକାର ଛଅ ଛଅ ଥର କେନ୍ଦ୍ରକୁ ଚିଠି କରିଥିଲେ ସୁଦ୍ଧା କେନ୍ଦ୍ର ସରକାର ଆଜି ପର୍ୟ୍ୟନ୍ତ ପଶ୍ଚିମ ଓଡ଼ିଶାର ଜନସାଧାରଣଙ୍କ ପ୍ରତି ଗୁରୁତ୍ୱ ନଦେଇ ଲୋକଙ୍କୁ ଭୁଆଁ ବୁଲାଉଥିବା କହି ଦୃଢ଼ ନିନ୍ଦା କରାଯାଇଥିଲା।

ଅନ୍ୟ ପକ୍ଷେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ଐତିହାସିକ ଜନ ହିତକର ଯୋଜନା ଆର୍ଶୀବାଦ ଯୋଜନା ଓ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ବାବଦରେ ଲୋକଙ୍କୁ ପୁଙ୍ଖାନୁପୁଙ୍ଖ ବୁଝାଇ ଦିଆଯାଇଥିଲା। ମହଖଣ୍ଡ ଗ୍ରାମପଞ୍ଚାୟତର ସକ୍ରିୟ କଂଗ୍ରେସ ନେତା ମୁକୁନ୍ଦ ତାଣ୍ଡି ମୁଖ୍ୟମନ୍ତ୍ରୀଙ୍କର ଜନ ହିତକର ଯୋଜନା ଏବଂ ବିଧାୟକ ପ୍ରାର୍ଥୀ ଅଜୟ ଦାସଙ୍କର ଜନହିତ ସେବାକାର୍ୟ୍ୟରେ ପ୍ରଭାବିତ ହୋଇ ତାଙ୍କ ସମର୍ଥକମାନଙ୍କ ସହିତ ବିଜୁ ଜନତା ଦଳରେ ସାମିଲ ହୋଇଥିଲେ । ଆଜିର ଏହି ସଚେତନ କାର୍ୟ୍ୟକ୍ରମରେ ତୁରେକେଲା ବ୍ଲକ  ମହଖଣ୍ଡ, କନ୍ଦେଇ, ଟିକ୍ରାପଡା, ଚାରପାଣି, ବଡବାଙ୍କି, ବଡ଼ଡୁକୁଲା, ଢୋଲମାନ୍ଦଲ, ହଲନଭଟା, ଖର୍ଲି, ମହୁଲପାଟି, ଝରଣୀ, ଗ୍ରାମମାନଙ୍କର ଦଳ ତରଫରୁ ସଚେତନ କାର୍ୟ୍ୟକ୍ରମ କରାଯାଇଥିଲା। ଆଜିର ଏହି କାର୍ୟ୍ୟକ୍ରମରେ ବ୍ଲକ ସଭାପତି ଆଶାଦୁଲ୍ଲା ଖାନ, ବ୍ଲକ ମହିଳା ସଭାନେତ୍ରୀ ଶ୍ରୀମତୀ ସରସ୍ବତୀ ମେହେର ଜିଲ୍ଲା ମହିଳା ସମ୍ପାଦିକା ଶ୍ରୀମତୀ ତପସ୍ବିନୀ ରଣା, ଜିଲ୍ଲା କାର୍ୟ୍ୟକାରିଣୀ ସଦସ୍ୟ ବିଶ୍ବନାଥ ସାହୁ, ଜିଲ୍ଲା ଯୁବ ସମ୍ପାଦକ ଶାନ୍ତନୁ ବିଭାର, ହେମପତି ଛତ୍ରିଆ, ପବିତ୍ର ହସ, ସଦାନନ୍ଦ ପୁଟେଲ, ଯଦୁ ପୁଟେଲ, ବିଜୟ କୁମାର ନାଗ, ଦୁର୍ୟ୍ୟୋଧନ ନାଗ, ଲକ୍ଷ୍ମୀଧର ନିଆଲ, ଓକିଲ ନିଆଲ, ପ୍ରମୁଖ ସାମିଲ ହୋଇଥିଲେ।