ଲକ୍ଷ୍ନୌ : ଉତ୍ତରପ୍ରଦେଶରେ ଗତ ୨୪ ଘଣ୍ଟା ଧରି ଲାଗି ରହିଥିବା ଝଡବର୍ଷାରେ ୧୬ ଜଣଙ୍କ ମୃତ୍ୟୁ ଘଟିଛି ଓ ୧୨ ଜଣ ଆହତ ହୋଇଛନ୍ତି। ସୂଚନା ଅନୁସାରେ ଶନିବାର ଅପରାହ୍ଣରୁ ଝଡ଼ ବର୍ଷା ଲାଗି ରହିଛି। ଶାହଜାହାଁପୁରରେ ବଜ୍ରପାତରେ ୬ ଜଣଙ୍କ ମୃତ୍ୟୁ ଘଟିଛି। ଝଡ଼ ବର୍ଷାରେ ୧୬ଟି ଜିଲା ବହୁଳ ଭାବେ ପ୍ରଭାବିତ ହୋଇଛନ୍ତି। ଏଥିରେ ୪୬୧ଟି ଘର କ୍ଷତିଗ୍ରସ୍ତ ହୋଇଛି ଓ ୧୮ଟି ଗୋରୁଙ୍କ ମୃତ୍ୟୁ ଘଟିଛି। ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପ୍ରଭାବିତ ଜିଲାରେ ଉଦ୍ଧାର କାର୍ଯ୍ୟ ତ୍ୱରାନ୍ୱିତ କରିବାକୁ ବିଭାଗୀୟ ଅଧିକାରୀଙ୍କୁ ନିର୍ଦେଶ ଦେଇଛନ୍ତି। ବିଭାଗୀୟ ମନ୍ତ୍ରୀ ଏବଂ ବିଧାୟକମାନେ ନିଜ ନିଜ ଅଞ୍ଚଳ ଗସ୍ତ କରି ପରିସ୍ଥିତି ଅନୁଧ୍ୟାନ କରିବାକୁ ମୁଖ୍ୟମନ୍ତ୍ରୀ ନିର୍ଦେଶ ଦେଇଛନ୍ତି। ଝଡ଼ବର୍ଷାରେ ଶାହାଜାହାଁପୁରରେ ୬, ସୀତାପୁରରେ ୩, ଅମେଥିରେ ଏବଂ ଆଉରିଆରେ ୨ ଜଣ ଲେଖାଏଁ ଲୋକଙ୍କ ମୃତ୍ୟୁ ଘଟିଛି। ସେହପପରି ଲକ୍ଷ୍ମୀପୁର, ରାୟବରେଲି, ଉନ୍ନାଓରେ ଜଣେ ଲେଖାଏଁ ଲୋକଙ୍କ ମତ୍ୟୁ ଘଟିଛି।
Popular Categories
Previous article
Next article