ପାତ୍ରପୁର: ପାତ୍ରପୁର ବ୍ଲକ ସାମନ୍ତରାପୁର ପଞ୍ଚାୟତର ଗୋପୀନାଥପୁର ଛକ ନିକଟରେ ଏକ ଟାଟା ଏସି ଗାଡି ଓଲଟି ପଡିବା ଫଳରେ କୋଡ଼ିଏ ଜଣ ଶ୍ରମିକ ଆହତ ହୋଇଛନ୍ତି। ସେଥିମଧ୍ୟରୁ ଗୁରୁତର ଥିବା ପାଞ୍ଚଜଣଙ୍କୁ ବ୍ରହ୍ମପୁର ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି। ସମସ୍ତ ଶ୍ରମିକ ମହିଳା ବୋଲି ଜଣା ପଡିଥିବା ବେଳେ ତାଙ୍କରି ଘର ନାରାୟଣ ପୁର ଗ୍ରାମରେ ହୋଇ ଥିବା ବେଳେ ଧାନ ରୁଆ କାର୍ୟ୍ୟ ପାଇଁ ଯାଉଥିବା ଜଣା ଯାଉଛି।ଦୁର୍ଘଟଣା ପରେ ଲୋକଙ୍କ ପାଟି ଶୁଣି ଆଖ ପାଖର ଲୋକମାନେ ପହଞ୍ଚି ସମସ୍ତ ଆହତମାନଙ୍କୁ ପ୍ରଥମେ ଜରଡ଼ା ନୂତନ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ଅଣାଯାଇଥିଲା। ପ୍ରାଥମିକ ଚିକିତ୍ସା ପରେ କୁମାରୀ ପ୍ରଧାନ,କୁରୀ ପ୍ରଧାନ ଓ ରୁପା ପ୍ରଧାନ ଆଦି ତିନି ଜଣକୁ ବ୍ରହ୍ମପୁର ବଡ଼ ମେଡିକାଲ ପଠାଯାଇଥିବା ବେଳେ ଅନ୍ୟ କିଛି ଆହତଙ୍କୁ ପାତ୍ରପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପଠାଯାଇଛି। ଏପରି ପାତ୍ରପୁର ଯିବା ପରେ ପୁଣି ଦୁଇ ଜଣଙ୍କୁ ବ୍ରହ୍ମପୁର ପଠାଯାଇଛି। ସ୍ଥାନୀୟ ସରପଞ୍ଚ, ସହ ପଞ୍ଚାୟତ କାର୍ୟ୍ୟନିର୍ବାହୀ ଅଧିକାରୀ ମୀନକେତନ ବେହେରା ଡାକ୍ତରଖାନାରେ ପହଞ୍ଚି ଆହତଙ୍କ ସ୍ୱାସ୍ଥ୍ୟ ଅବସ୍ଥା ପଚାରି ବୁଝିବା ସହିତ ସେମାନଙ୍କୁ ପାତ୍ରପୁର ଓ ବ୍ରହ୍ମପୁର ପଠାଇଥିଲେ।
ପ୍ରକାଶ ଥାଉକି, ଗତ ଏକ ସପ୍ତାହ ମଧ୍ୟରେ ଏହା ଦ୍ଵିତୀୟ ଘଟଣା। ଗତ ୧୪ ତାରିଖରେ ଘର ଛାତ ପକେଇବା ପରେ ଶ୍ରମିକଙ୍କୁ ନେଇ ଯାଉଥିବା ଏକ ଟାଟା ଏସି ଗାଡି ପାତ୍ରପୁର ବ୍ଲକର ତାଳପଡା ନିକଟରେ ଦୁର୍ଘଟଣା ଗସ୍ତ ହେବା ଫଳରେ କୋଡ଼ିଏ ଊର୍ଦ୍ଧ୍ବ ଶ୍ରମିକ ଆହତ ହୋଇଥିଲେ।
