ନବରଙ୍ଗପୁର: ନବରଙ୍ଗପୁର ଜିଲ୍ଲା ପାପଡାହାଣ୍ଡି ଥାନା ଅନ୍ତର୍ଗତ ତୁମ୍ବର୍ଲାରେ ଚାଲିଥିବା ଏକ ବଡ ଧରଣର ଜୁଆ ଆଡା ଉପରେ ଚଢ଼ାଉ କରି ଲକ୍ଷାଧିକ ଟଙ୍କା, ବାଇକ ଏବଂ ଗୋଟିଏ କାରକୁ ଜବତ କରିଛି ପୁଲିସ। ଏହାସହ ୩ ଜଣଙ୍କୁ ଗିରଫ କରାଯାଇଛି।
ନବରଙ୍ଗପୁର ଏସପି ପ୍ରହଲ୍ଲାଦ ସାହାଇ ମିନାଙ୍କ ନିର୍ଦେଶକ୍ରମେ ପାପଡାହାଣ୍ଡି ଏସ୍ଡ଼ିପିଓଙ୍କ ତତ୍ୱାବଧାନରେ ପାପଡାହାଣ୍ଡି ଥାନା ଅଧିକାରୀ ଶୁଭେନ୍ଦୁ ଶବର, ମୈଦଲପୁର ଫାଣ୍ଡି ଅଧିକାରୀ ଅନାମୁ ଦିଆନ, ପୋଲିସ ସ୍ପେଶାଲ ସ୍କ୍ୱାଡ଼୍ ଟିମ ମୈଦାଳପୁର ଅଂଚଳର ଖୁଟୁଗୁଡା ଜଙ୍ଗଲ ଭିତରେ ଚାଲିଥିବା ଏକ ବଡଧରଣର ଜୁଆ ଆଡ୍ଡା ଉପରେ ଚଢ଼ାଉ କରିଥିଲେ। ସେଠାରୁ ଏକ ଲକ୍ଷ ତିରିଶି ହଜାର ଟଙ୍କା, ଦୁଇଗୋଟି ବାଇକ ଏବଂ ଗୋଟିଏ କାରକୁ ଜବତ କରିଥିବା ବେଳେ ତିନିଜଣକୁ ଧରିବାରେ ସକ୍ଷମ ହୋଇଛନ୍ତି । ପୋଲିସ ଚଢ଼ାଉ କରିବା ସମୟରେ ସେଠାରୁ ଖେଳାଳିମାନେ ଖସି ପଳାଇବାରେ ସକ୍ଷମ ହୋଇଥିଲେ। ଏହି ଅଂଚଳରେ ବହୁଦିନ ଧରି ଲକଡାଉନର ସୁଯୋଗ ନେଇ ଜୁଆରିମାନେ ଆଡ୍ଡା ଚଳାଇ କଳାହାଣ୍ଡି, ଉମରକୋଟ ଅଂଚଳର ବଡ ବଡ ଜୁଆରିମାନେ ଏହି ଅଂଚଳକୁ ଜୁଆ ଖେଳିବାକୁ ଆସୁଥିବା ବେଳେ ଆଜି ସେମାନେ ପୋଲିସକୁ ଦେଖି ଖସି ପଳାଇବାରେ ସକ୍ଷମ ହୋଇଛନ୍ତି ।
