ବରପାଲି: ବରଗଡ଼ ଜିଲ୍ଲାରେ କରୋନା ଦ୍ୱିତିୟ ଲହର ସଂକ୍ରମଣ କ୍ରମଶଃ ଖସୁଥିବା ବେଳେ ବରପାଲି ଅଞ୍ଚଳରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବା ଯୋଗୁ ପ୍ରଶାସନିକ କଡ଼ାକଡ଼ି ଧାରା ଆପଣଉଥିବା ଦେଖାଯାଉଛି। ଶନିବାର ପୁର୍ବାହ୍ନରେ ବରମକେଲା ପଞ୍ଚାୟତ ଅଫିସ ସମ୍ମୁଖ ରାସ୍ତାକୁ ସିଲ କରିବା ସହ ନିଷିଦ୍ଧାଞ୍ଚଳ ଭାବେ ସରପଞ୍ଚ ମେନକା ପଧାନ ଘୋଷଣା କରିଛନ୍ତି। ପଞ୍ଚାୟତରେ ସଂକ୍ରମଣ ସଂଖ୍ୟା ବଢ଼ୁଥିବାରୁ ଗୁରୁତର ସ୍ଥିତିକୁ ନେଇ ୱାର୍ଡ଼ମେମ୍ବରମାନଙ୍କ ସହ ଆଲୋଚନା କଲାପରେ ପ୍ରଶାସନିକ କର୍ତ୍ତୃପକ୍ଷ ତହସିଲଦାର ଅକ୍ଷୟ କୁମାର ବାଘ, ବିଡ଼ିଓ ତିନିକ୍ରମ କୁମୁରାଙ୍କ ଉପସ୍ଥିତିରେ ୱାର୍ଡ଼ ନମ୍ବର ୧ ମୂଖ୍ୟରାସ୍ତାକୁ ବନ୍ଦ କରିବା ସହିତ ବାଉଁଶ ବାଡ଼ରେ ସିଲ କରି ଦିଆଯାଇଥିଲା। ଆସନ୍ତା ୨୭ତାରିଖ ପର୍ୟ୍ୟନ୍ତ ନାକାବନ୍ଦି ଜାରି ରହିବା ସହ ଗାଁର ସମସ୍ତ ଦୋକାନ ବଜାର କେବଳ ଔଷଧ ଦୋକାନ ବ୍ୟତିରେକ ଅନ୍ୟ ଦୋକାନ ସମ୍ପୂର୍ଣ୍ଣ ବନ୍ଦ ରଖାଯିବା ପାଇଁ ସିଦ୍ଧାନ୍ତ ନିଆଯାଇଥିଲା। ସେହିପରି ସାଧାରଣଙ୍କ ବୁଲାବୁଲି ଓ ସଭାସମିତି ସାଂସ୍କୃତିକ କାର୍ୟ୍ୟରେ ମଧ୍ୟ ରୋକ ଲଗାଯାଇଛି। ପୁର୍ବରୁ ବରପାଲି ବିଜ୍ଞାପିତ ଅଞ୍ଚଳରେ ଗୋଷ୍ଠି ସଂକ୍ରମଣର ରୂପ ନେଉଥିବା ଦେଖି ତହସିଲଛକ ସ୍ଥିତ ଏକ ଗଳି ରାସ୍ତାକୁ ପ୍ରଶାସନ ପକ୍ଷରୁ ବାଉଁଶ ବାଡ଼ରେ ସିଲ କରାଯାଇଥିଲା। ସେହିପରି ରେମତା, ମହଦା ଗାଁରେ ସଂକ୍ରମଣ ବୃଦ୍ଧି ପାଉଥିବାରୁ ସରପଞ୍ଚମାନଙ୍କ ଦ୍ୱରା ପ୍ରଶାସନିକ ସହାୟତାରେ ବାଉଁଶବାଡ଼ ବନ୍ଦା ହେବା ସହ ସରକାରଙ୍କ ପାଳନିୟ କଟକଣା ଉପରେ ଗୁରୁତ୍ୱ ଦିଆଯାଇଥିଲା।
Popular Categories
Previous article
Next article