ହାଇୱା ଧକ୍କାରେ ଜଣେ ମୃତ, ୩ ଆହତ

ବେଗୁନିଆ  :ବେଗୁନିଆସ୍ଥିତ ପୋଷ୍ଟ ଅଫିସଛକରେ ଆଜି  ଏକ ହାଇୱା ଧକ୍କାରେ ଜଣେ ଯୁବକ ମୃତ୍ୟୁ ବରଣ କରିଥିବାବେଳେ ୩ ଜଣ ଆହତ ହୋଇଥିବାର ଜଣାପଡିଛି l ପ୍ରକାଶ ଯେ ବାଘମାରୀ ଥାନା ଅନ୍ତର୍ଗତ ତୁଳସୀପୁର ନିକଟସ୍ଥ ନରଗlଙ୍ଗ ଗ୍ରାମର ରାମଚନ୍ଦ୍ର ନାୟକ(୧୮), ବାବୁନା ନାୟକ(୧୬), ଡ଼ାକ ନାୟକ(୧୬) ଏବଂ ବାସୁଆ ନାୟକ(୨୧)ଏକ ବାଇକରେ ୪ ଜଣାଯାକ ବସି କୌଣସି କାମରେ ଚକlପଦl ଯାଉଥିଲେ l ସେମାନେ କୁଶପଲ୍ଲା ରାସ୍ତାରୁ ଖୋର୍ଦ୍ଧା ବଲାଙ୍ଗୀର ୫୭ ନଂ ଜାତୀୟ ରାଜପଥ ଉପରକୁ ଆସିବା ସମୟରେ ଖୋର୍ଦ୍ଧାରୁ ନୟାଗଡ ଅଭିମୁଖେ ଚିପ୍ସ ବୋଝେଇ କରି ଯାଉଥିବା ଏକ ହାଇୱାକୁ ଧକ୍କା ଲାଗିଥିଲା l ଫଳରେ ହାଇୱାର ପଛ ଚକା ତଳେ ଡାକ ପଡିଯିବାରୁ ତା ଉପରେ ଚକା ମାଡିଯିବାରୁ ସେ ଘଟଣାସ୍ଥଳରେ ମୃତ୍ୟୁବରଣ କରିଥିଲା l ଅନ୍ୟ ୩ ଜଣ ଆହତ ହୋଇଥିଲା ବେଳେ ବେଗୁନିଆ ଥାନା ଏସ ଆଇ ଶ୍ରୀକାନ୍ତ ପଣ୍ଡା ,ଏଏସଆଇ ଗଜେନ୍ଦ୍ର ଜେନା ଘଟଣାସ୍ଥଳରେ ପଂହଁଚି ହାଇୱାଟିକୁ ଜବତ କରି ଥାନାକୁ ଆଣିଥିବାବେଳେ ଆମ୍ବୁଲାନ୍ସ ଡକାଇ ଆହତ ୩ ଜଣଙ୍କୁ ଖୋର୍ଦ୍ଧା ଡାକ୍ତରଖାନାକୁ ପଠାଇଥିଲେ l ଶବଟି ରାସ୍ତା ଉପରେ ପଡିରହିବା ଯୋଗୁଁ ଏକ ଘଣ୍ଟା କାଳ ଗାଡି ମଟର ଯାତାୟାତ ବନ୍ଦ ରହିଥିଲା l କିଛି ଗାଡି ମଟର ନୂଆସlହି ଦେଇ ଯିବା ଆସିବା କରିଥିଲା l ଏସ ଡି ପି ଓ ସୁଶୀଲ ମିଶ୍ର ଘଟଣାସ୍ଥଳରେ ପଂହଁଚି ବ୍ୟବଚ୍ଛେଦ ନିମନ୍ତେ ଥାନା ଗାଡ଼ିରେ ଶବଟିକୁ ଖୋର୍ଦ୍ଧା ପଠାଇଥିଲେ l ପରେ ଗାଡିମଟର ଚଳାଚଳ ସ୍ବାଭାବିକ ହୋଇଥିଲା l