ଇନ୍ଦୋର: କେନ୍ଦ୍ରମନ୍ତ୍ରୀ ଥାୱରଚାନ୍ଦ ଗେହଲଟଙ୍କ ଝିଅ ଯୋଗିତା ସୋଲାଙ୍କିଙ୍କର ଏଠାରେ କରୋନାରେ ପରଲୋକ ଘଟିଛି। ୪୨ ବର୍ଷ ବୟସ୍କା ଯୋଗିତା କରୋନାରେ ସଂକ୍ରମିତ ହେବାପରେ ତାଙ୍କୁ ଇନ୍ଦୋରର ଏକ ଘରୋଇ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। ଗତ ଏକ ସପ୍ତାହ ଧରି ସେ ଚିକିତ୍ସିତ ହେଉଥିଲେ। ତେବେ ସଂକ୍ରମଣ ତାଙ୍କ ଫୁସଫୁସର ୮୦% ଅଂଶକୁ ବ୍ୟାପିଯାଇଥିଲା ବୋଲି ଡାକ୍ତରଖାନା ପକ୍ଷରୁ କୁହାଯାଇଛି। ତାଙ୍କୁ କୋଭିଡ ଚିକିତ୍ସା ନିମନ୍ତେ ବ୍ୟବହାର କରାଯାଉଥିବା ଇଞ୍ଜେକସନ ଏବଂ ଅନ୍ୟାନ୍ୟ ଜୀବନ ରକ୍ଷାକାରୀ ଔଷଧ ଦିଆଯାଉଥିଲା। ତେବେ ଜାଙ୍କ ଜୀବନ ରକ୍ଷା କରିବା ସମ୍ଭବ ହୋଇପାରିଲା ନାହିଁ। ଯୋଗିତାଙ୍କ ବିୟୋଗରେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ, ରାଜ୍ୟ ଭାଜପା ସଭାପତି ଭି ଡି ଶର୍ମା, ତଥା ଦଳର ବହୁ ନେତା ଏବଂ ମନ୍ତ୍ରୀ ଗଭୀର ଶୋକ ପ୍ରକାଶ କରିଛନ୍ତି।
Popular Categories
Previous article
Next article