ମାଲକାନାଗିରି: ନାବାଳିକାଙ୍କୁ ବଳାତ୍କାର କରିଥିବା ଅଭିଯୋଗରେ ମାଲକାନାଗିରି ପୁଲିସ ଜଣଙ୍କୁ ଗିରଫ କରିଛି। ଅଭିଯୁକ୍ତଙ୍କ ନାମ ହେଲା ଚନ୍ଦ୍ର ଶେଖର ବରାଳ ।
ଅଭିଯୋଗ ଅନୁଯାୟୀ, ପୀଡ଼ିତାଙ୍କ ପରିବାର ମାଲକାନଗିରି ଜିଲା ଏମ୍ଭି ୧୦ ସ୍ଥିତ ତାଙ୍କ ସମ୍ପର୍କୀୟଙ୍କ ଘରକୁ ବୁଲିବାକୁ ଆସିଥିଲେ। ଗତ ୧୦ ତାରିଖ ଦିନ ଅପରାହ୍ଣ ୪ଟା ସମୟରେ ଝିଅଟି ଘର ବାହାରେ ଖେଳୁଥିବା ବେଳେ ସମ୍ପର୍କୀୟଙ୍କ ପଡ଼ିଶା ଘରେ ରହୁଥିବା ଚନ୍ଦ୍ର ଶେଖର ବରାଳ ଓରଫ ଚିଣ୍ଟୁ ନାମକ ଜଣେ ଯୁବକ ଝିଅଟିକୁ ପ୍ରଲୋଭିତ କରି ଘର ଭିତରକୁ ଡାକି ନେଇଥିଲେ। ତା ପରେ ସେଠାରେ ଝିଅଟିକୁ ବଳାତ୍କାର କରିଥିଲେ। ପୀଡ଼ିତା କାନ୍ଦିକାନ୍ଦି ଘରକୁ ଫେରି ଘଟଣା ବିଷୟରେ କହିବା ପରେ ପରିବାର ଲୋକ ତାଙ୍କୁ ତୁରନ୍ତ ଜିଲା ମୁଖ୍ୟ ଚିକିତ୍ସାଳୟକୁ ନେଇଥିଲେ । ପରେ ମାଲକାନାଗିରି ଥାନାରେ ଏନେଇ ଅଭଯୋଗ କରିଥିଲେ। ପୁଲିସ ଏହି ଘଟଣାର ତୁରନ୍ତ ତଦନ୍ତ ଆରମ୍ଭ କରି ଅଭିଯୁକ୍ତ ଚିଣ୍ଟୁକୁ ଗିରଫ କରି କୋର୍ଟ ଚାଲଣ କରିଛି।
