ଦେବଗଡ : ଦେବଗଡ ଥାନା ଅନ୍ତର୍ଗତ କଳାମାଟି ନିକଟସ୍ଥ ୪୯ ନମ୍ବର ଜାତୀୟ ରାଜପଥରେ ଆଜି ଜଣେ ବାଇକ ଆରୋହୀ ଜଣେ ପଥଚାରୀଙ୍କୁ ଧକ୍କା ଦେବା ଫଳରେ ଉଭୟ ପଥଚାରୀ ଓ ବାଇକ ଆରୋହୀ ଗୁରୁତର ଆହତ ହୋଇଥିବା ଜଣାପଡିଛି। ମିଳିଥିବା ସୂଚନା ଅନୁଯାୟୀ ଆଜି ସଂଧ୍ୟା ପ୍ରାୟ ୭ଟା ସମୟରେ ଦେବଗଡ ପୌରାଂଚଳ ଅନ୍ତର୍ଗତ ନିଳବେର୍ଣ୍ଣୀସାହିର ଜେମସାନ ମୁଣ୍ଡା(୩୨) ଏକ ବାଇକ ଯୋଗେ ବାରକୋଟ ପଟୁଆସୁଥିବା ବେଳେ ଭାରସାମ୍ୟ ହରାଇ କଲାମ଼ାଟି ଗ୍ରାମ ନିକଟସ୍ଥ ୪୯ ନମ୍ବର ଜାତୀୟ ରାଜପଥ ପାରିହେଉଥିବା ଜଣେ ଯୁବକଙ୍କୁ ଧକ୍କା ଦେଇଥିଲେ। ଫଳରେ ଉକ୍ତ ଯୁବକ ଜଣକ ଗୁରୁତର ଆହତ ହୋଇଥିବା ବେଳେ ବାଇକ ଆରୋହୀ ଜେମସାନ ନିଜେ ମଧ୍ୟ ବାଇକ ସହ ରାସ୍ତା ଉପରକୁ ଛିଟିକି ପଡି ଗୁରୁତର ଆହତ ହୋଇଥିଲେ। ସ୍ଥାନୀୟ ଲୋକେ ଉଭୟଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଚିକିତ୍ସା ନିମନ୍ତେ ଜିଲା ମୁଖ୍ୟ ଚିକିତ୍ସଳୟରେ ଭର୍ତ୍ତି କରିଥିବା ବେଳେ ଉଭୟେ ସୋଟାରେ ଚିକିତ୍ସାଧିନ ଥିବା ଜଣାପଡିଛି।
Popular Categories
Previous article
Next article