ନବରଙ୍ଗପୁର: ପାପଡାହାଣ୍ଡି ବ୍ଲକ ଡଙ୍ଗରା ପଞ୍ଚାୟତର ଖୁଟିଗୁଡା ଗ୍ରାମର ଜଣେ ବ୍ୟକ୍ତିଙ୍କ ପାଣିରେ ବୁଡି ମୃତ୍ୟୁ ହୋଇଥିବା ଜଣାପଡିଛି।
ମୃତକ ଜଣକଙ୍କ ନାମ ଚେନସିଂ ଭତରା (୩୭)। ଆଜି ସକାଳେ ସେ ତାଙ୍କ ଗ୍ରାମ ନିକଟସ୍ଥ ଥିବା ବାବନ୍ଦୀ ନଦୀକୁ ଗାଧେଇ ବାକୁ ଯାଇ ନଦୀରେ ପଡି ମୃତ୍ୟୁ ବରଣ କରିଥିବା ଜଣାପଡିଛି। ଖବର ପାଇ ପରିବାର ଏବଂ ସ୍ଥାନୀୟ ଲୋକେ ପୁଲିସକୁ ଖବର ଦେବାପରେ ପାପଡାହାଣ୍ଡି ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ଶବକୁ ଉଦ୍ଧାର କରିବା ସହ ପୁଲିସ ଶବକୁ ବ୍ୟବଛେଦ ପାଇଁ କୋଷଗୁମୁଡାକୁ ପଠେଇ ତଦନ୍ତ କରୁଛି। ମୃତ ବ୍ୟକ୍ତି ଜଣଙ୍କ ଅତ୍ୟନ୍ତ ଗରିବ ଶ୍ରେଣୀର ହୋଇଥିବା ବେଳେ ତାଙ୍କର ୨ଗୋଟି ସନ୍ତାନ ଅଛନ୍ତି କିନ୍ତୁ ସ୍ତ୍ରୀ ଘର ଛାଡି ବହୁଦିନ ହେବ ଅନ୍ୟତ୍ର ରହୁଥିବା ଜଣାପଡ଼ିଛି। ମୃତ ପରିବାରକୁ ସରକାର ସହାୟତା ଯୋଗାଇ ଦେବାପାଇଁ ସାଧାରଣରେ ଦାବି ହେଉଛି।
ପାଣିରେ ବୁଡି ଜଣେ ବ୍ୟକ୍ତିଙ୍କ ମୃତ୍ୟୁ
Popular Categories
Previous article
Next article