୮ଟି ଜଳଦାନ କେନ୍ଦ୍ର ଉଦଘାଟିତ

ଆଠଗଡ : ଆଠଗଡ ଏନଏସି ପକ୍ଷରୁ ପ୍ରଚଣ୍ଡ ରୌଦ୍ରତାପକୁ ଦୃଷ୍ଟିରେ ରଖି ସହରରେ ବିଭିନ୍ନ ୱାର୍ଡରେ ୮ଟି ପାନୀୟଜଳ ବିତରଣ କେନ୍ଦ୍ର ବୁଧବାର ଉଦଘାଟିତ ହୋଇଯାଇଛି । ନିର୍ବାହୀ ଅଧିକାରୀ ବଳୟ ଦେହୁରୀଙ୍କ ପରିଚାଳନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ଯ ଅତିଥି ଭାବେ ଅଧ୍ୟକ୍ଷା ସସ୍ମିତା ରାଉତ ଓ ସମ୍ମାନିତ ଅତିଥି ଭାବେ ଉପାଧ୍ୟକ୍ଷ ବି ଶୁଭ୍ରଶଙ୍କର ଜ୍ୟୋତି ଯୋଗଦେଇ ପାନୀୟଜଳ ବିତରଣ କେନ୍ଦ୍ରଗୁଡ଼ିକୁ ଉଦଘାଟନ କରିଥିଲେ । ଏହି କାର୍ଯ୍ୟକ୍ରମରେ ସମସ୍ତ କାଉନସିଲର ଉପସ୍ଥିତ ରହିଥିଲେ । ଖରା ଓ ଗରମ୍ ଦିନ କୁ ଦିନ ବୃଦ୍ଧି ପାଉଥିବାରୁ ରାସ୍ତାରେ ଯାଉଥିବା ତୃଷାର୍ତ୍ତ ପଥଚାରୀଙ୍କ ପାଇଁ ପାନୀୟଜଳ ବ୍ୟବସ୍ଥା କରିବା ଲାଗି ଏନଏସି ପକ୍ଷରୁ ପଦକ୍ଷେପ ନିଆଯାଇଥିବା ଅଧ୍ୟକ୍ଷା ଶ୍ରୀମତି ରାଉତ ପ୍ରକାଶ କରିଥିଲେ । ଆବଶ୍ୟକ ହେଲେ ଆହୁରି ଅଧିକ ଜଳଦାନ କେନ୍ଦ୍ର ଖୋଲାଯିବ ବୋଲି ନିର୍ବାହୀ ଅଧିକାରୀ ଶ୍ରୀ ଦେହୁରୀ କହିଛନ୍ତି । କାର୍ଯ୍ୟକ୍ରମ ପରିଚାଳନାରେ ଏନଏସିର ବରିଷ୍ଠ କିରାଣୀ ନିରଞ୍ଜନ ଦାସ, ପ୍ରକାଶ ମହାପାତ୍ର ଓ ଅନ୍ଯ କର୍ମଚାରୀ ସହଯୋଗ କରିଥିଲେ ।