ସମାଜ ଡିଜିଟାଲ ଡେସ୍କ: ପରିଣତ ବୟସରେ ପୁଅ ବୋହୂଙ୍କ ଉପରେ ନିର୍ଭରଶୀଳ ହୋଇଥାଆନ୍ତି ମା’ବାପା। ସେମାନେ ଭାବନ୍ତି ପିଲାମାନେ ସେମାନଙ୍କର ସେବାଯତ୍ନ କରିବେ। କିନ୍ତୁ ଅଧିକାଂଶ କ୍ଷେତ୍ରରେ ତାହା ଭୁଲ ପ୍ରମାଣିତ ହୋଇଥାଏ। ବୃଦ୍ଧାବସ୍ଥାରେ ପିଲାମାନଙ୍କ ନିର୍ଯାତନାର ଶିକାର ହେବାକୁ ପଡ଼ିଥାଏ, ଯାହା ଆଜିକାଲିର ଏକ ସାଧାରଣ ଘଟଣାରେ ପରିଣତ ହୋଇଛି। ସମ୍ଭ୍ରାନ୍ତ ପରିବାରର ଏମିତି ଏକ ଦୃଶ୍ୟ ଏବେ ସାମାଜିକ ଗଣମାଧ୍ୟମରେ ପ୍ରଘଟ ହେଉଛି। ଶାଶୁକୁ ବୃଦ୍ଧାଶ୍ରମରେ ଛାଡ଼ିବାକୁ ଚାହୁଁଥିଲା ବୋହୂ। କିନ୍ତୁ ଶାଶୁ ମନା କରିବାରୁ ତାଙ୍କୁ ବୋହୂ ଅମାନୁଷିକ ଭାବେ ମାଡ଼ ମାରିଛି। ଘଟଣାଟି ମଧ୍ୟପ୍ରଦେଶର ଗ୍ବାଲିଅର ସହରର।
ପୀଡ଼ିତାଙ୍କ ସ୍ବାମୀ ୪ ବର୍ଷ ତଳେ ମୃତ୍ୟୁବରଣ କରିଛନ୍ତି। ସେ କରିଛନ୍ତି ଯେ, ତାଙ୍କ ବୋହୂ ନୀଳିକା ପରିବାରର ସମ୍ପତ୍ତି ନିଜ ନାମରେ କରିବାକୁ ଚାହୁଁଛି। ହେଲେ ତାଙ୍କ ପୁଅ ଏଥିରେ ରାଜି ନ ହେବାରୁ ବୋହୂ ନିଜ ବାପଘର ଲୋକଙ୍କୁ ଡକାଇ ତାଙ୍କୁ ଏବଂ ତାଙ୍କ ପୁଅକୁ ମାଡ଼ ମାରିଛନ୍ତି। ଭିଡିଓରେ ଦେଖିବାକୁ ମିଳୁଛି ଯେ, ବୋହୂ ଶାଶୁର ଚୁଟିକୁ ଧରି ଘୋଷାରି ବିଧା ଗୋଇଠା ମାରୁଛି। ବୋହୂର ବାପା ଏବଂ ଭାଇ ଆସି ପୁଅକୁ ମାଡ଼ ମାରୁଛନ୍ତି, ଯାହା ଅତ୍ୟନ୍ତ ହୃଦୟ ବିଦାରକ।
WATCH 😱
Comment your views ?pic.twitter.com/ynVRvgtImp
— Times Algebra (@TimesAlgebraIND) April 4, 2025
