ବୌଦ୍ଧ : ବୌଦ୍ଧ ବ୍ଲକ ଲେବେଲ-୫ ଏକ୍ସ କେଡର ଶିକ୍ଷକ ଶିକ୍ଷୟିତ୍ରୀ ଓ ଗଣଶିକ୍ଷକ ଶିକ୍ଷୟତ୍ରୀମାନଙ୍କୁ ନେଇ ଏକ ସାଧାରଣ ବୈଠକ ସ୍ଥାନୀୟ ମାତଙ୍ଗେଶ୍ୱର ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି। ଉକ୍ତ ବୈଠକରେ ଶିକ୍ଷକମାନଙ୍କର ବିଭିନ୍ନ ସମସ୍ୟା ଗୁଡିକ ସମାଧାନ ଉପରେ ଆଲୋଚନା ହୋଇଥିଲା। ଏହି ସମସ୍ୟା ଗୁଡିକର ସମାଧାନ ପାଇଁ ବିଗତ ଦିନର କର୍ମକର୍ତାମାନେ କିଛିଦିନ ହେଲା କାର୍ଯ୍ୟ କରୁନାହାନ୍ତି ବୋଲି ଉପସ୍ଥିତ ଶିକ୍ଷକ ମାନେ କ୍ଷୋଭ ପ୍ରକାଶ କରିଥିଲେ। ଶିକ୍ଷକ ସୁଶାନ୍ତ କୁମାର ଅମାତ ବିନା କର୍ମକର୍ତାରେ ସମସ୍ୟା ଗୁଡିକର ସମାଧାନ ହୋଇପାରିବ ନାହିଁ ବୋଲି ମତ ପ୍ରକାଶ କରିଥିଲେ। ଏହାପରେ ଏକ କାର୍ଯ୍ୟକାରିଣୀ କମିଟି ଗଠନ କରାଗଲା।
ଏଥିରେ ସଭାପତି ଭାବରେ ଶିକ୍ଷକ ସୁଧୀର କୁମାର ପଟ୍ଟନାୟକ, ଉପସଭାପତି ସୁରେନ୍ଦ୍ର କୁମାର ନାୟକ, ସମ୍ପାଦକ ମଞ୍ଜନ କୁମାର ମହାକୁଡ, ସହ-ସମ୍ପାଦକ ସୁଶାନ୍ତ କୁମାର ଅମାତ, କୋଷାଧ୍ୟକ୍ଷ ଲକ୍ଷୀନ୍ଦ୍ର ଥପା, ସହ-କୋଷାଧ୍ୟକ୍ଷ ମଧୁସୁଦନ ପ୍ରଧାନ ଓ ଉପଦେଷ୍ଟା କମିଟିର ସଭ୍ୟ ଭାବରେ ଯୋଗେଶ ମିଶ୍ର,ସଞ୍ଜୟ କୁମାର ପ୍ରଧାନ,ଉମେଶ ସୁନା,ଅନଙ୍ଗ ମହାକୁଡ ଓ ରଞ୍ଜନ ସାହୁଙ୍କୁ ଚୟନ କରାଯାଇଥିଲା। ଶେଷରେ ସ୍ମରଜିତ ପ୍ରଧାନ ଧନ୍ୟବାଦ ଅର୍ପଣ କରିଥିଲେ।
