ରେଙ୍ଗାଲି : ରେଙ୍ଗାଲି ବ୍ଳକ୍ ପଡାର ମନୀଷା ବଗର୍ତ୍ତି ହତ୍ୟା ମାମଲାରେ ଅଭିଯୁକ୍ତ ଥିବା ମୃତ ମନୀଷାର ସ୍ୱାମୀ କାହ୍ନଚରଣ ଦାସକୁ ଆଜି କୋର୍ଟ ଚାଲାଣ କରଯାଇଥିବା ପୁଲିସ ସୁତ୍ରରୁ ପ୍ରାପ୍ତ ସୂଚନାରୁ ପ୍ରକାଶ। କୋର୍ଟରେ ଜାମିନ୍ ନାମଞ୍ଜୁର ହେବାରୁ କାହ୍ନଚରଣକୁ ଜେଲ୍ ହାଜତକୁ ପଠାଇ ଦିଆଯାଇଥିବାର ଜଣାପଡିଛି। ସୂଚିତ ଯେ, ଗତକାଲି ମନୀଷାର ଅସ୍ୱାଭାବିକ ମୃତ୍ୟୁ ହେବା ପରେ ମନୀଷାର ବାପା ରେଙ୍ଗାଲି ଥାନାକୁ ଆସି ମୋର ଝିଅକୁ ଯୌତୁକ ପାଇଁ ବାରମ୍ବାର ନିର୍ଯ୍ୟାତନା ଦିଆଯାଉଥିଲା। ଯୌତୁକ ଦେଇ ନ ପାରିବାରୁ ମୋର ଝିଅକୁ ଜ୍ୱାଇଁ କାହ୍ନୁଚରଣ ହତ୍ୟା କରିଛି ବୋଲି ଏତଲା ଦେଇଥିଲେ। ଏହାପରେ ରେଙ୍ଗାଲି ଥାନା ରେ କେସ୍ ନଂ-୨/୨୦୨୧ ଦଫା ୪୯୮(ଏ),୩୦୨,୩୦୪ବି୪ଡିପି ଆକ୍ଟ ରେ ମାମଲା ରୁଜୁ କରାଯାଇ ଥାନା ଅଧିକାରୀ ଘଟଣାର ତଦନ୍ତ ଜାରି ରଖିଥିଲେ। ଶବକୁ ଜବତ କରାଯାଇ ଏସଡିପଡିଓ ତପନ ମହାନ୍ତିଙ୍କ ଉପସ୍ଥିତିରେ ପଞ୍ଚନାମା କରାଯିବା ସହିତ ଆଜି ସାଇନ୍ଟିଫିକ୍ ଟିମ୍ ଘଟଣାସ୍ଥଳକୁ ପହଞ୍ଚି ଅବଶ୍ୟକ ଯାଞ୍ଚ ଏବଂ ନମୁନା ସଂଗ୍ରହ କରିଥିଲେ। ଶବକୁ ବ୍ୟବଚ୍ଛେଦ ପାଇଁ ପଠାଇ ଆଜି ଅଭିଯୁକ୍ତକୁ କୋର୍ଟ ଚାଲାଣ କରଯାଇଥିଲା।
Popular Categories
Previous article
Next article