ଓଡ଼ିଶାରେ ଆଜି ରାତି ୧୦ରୁ ନାଇଟ୍ କର୍ଫ୍ୟୁ, ଟ୍ବିନ ସିଟିରେ ୧୪୪ ଧାରା

ଭୁବନେଶ୍ବର: ବ୍ରିଟେନର ନୂଆ ଷ୍ଟ୍ରେନ ଏବେ ସମଗ୍ର ଭାରତ ପାଇଁ ମୁଣ୍ଡ ବ୍ୟଥାର କରାଣ ପାଲଟିଛି। ଏହାକୁ ଦୃଷ୍ଟିରେ ରଖି  ଡ଼ିସେମ୍ବର ୩୧ ମଧ୍ୟରାତ୍ରିରେ ପୁରୁଣା ବର୍ଷକୁ ବିଦାୟ ଦେବା ଓ ନୂଆ ବର୍ଷକୁ ସ୍ବାଗତ ନିମନ୍ତେ ଆୟୋଜନ କରାଯାଉଥିବା ‘‘ଜିରୋ ନାଇଟ୍’’ ଓ ନୂଆବର୍ଷ ପାଳନ ଉପରେ ରାଜ୍ୟ ସରକାର ପୂର୍ବରୁ କଟକଣା ଲଗାଇ ସରିଛନ୍ତି। ତାଥାପି ଅମନିଆଙ୍କୁ ରୋକିବା ପାଇଁ ରାଜ୍ୟ ସରକାର ଗୁରୁବାର ପୁଣି ଏକ କଟକଣା ଜାରି କରିଛନ୍ତି। ରାଜ୍ୟରେ ଗୋଟିଏ ଦିନ ପାଇଁ ଅର୍ଥାତ ଆଜି ରାତି ୧୦ ଟାରୁ କାଲି ସକାଳ ୫ଟା ଯାଏଁ ନାଇଟ କର୍ଫ୍ୟୁ ଜାରି କରିଛନ୍ତି। ଏ ନେଇ ଏସଆରସି ପ୍ରଦୀପ ଜେନା ଟ୍ବିଟ କରି ସୂଚନା ଦେଇଛନ୍ତି।

Govt of Odisha imposing Night curfew from 10pm of tonight to 5AM tomorrow morning across the state. General public requested to cooperate. All essential services& movements are allowed to continue during curfew hours. @CMO_Odisha @IPR_Odisha @SecyChief @odisha_police @SRC_Odisha

— Pradeep Jena IAS (@PradeepJenaIAS) December 31, 2020

ଏହି ନାଇଟ କର୍ଫ୍ୟୁରେ ସବୁ ଅତ୍ୟାବଶ୍ୟକ ସେବାକୁ ଅନୁମତି ମିଳିଛି। ଜରୁରିକାଳୀନ ସେବାରେ ନିୟୋଜିତ କର୍ମଚାରୀ ଯା’ଆସ କରିପାରିବେ।

ସାମ୍ବାଦିକ ସମ୍ମିଳନୀରେ ପୁଲିସ କମିଶନର ସୁଧାଂଶୁ ଷଡଙ୍ଗୀ କହିଛନ୍ତି ଯ, କଟକ ଓ ଭୁବନେଶ୍ବରରେ ଆଜି ୧୪୪ ଧାର ଜାରି ହେବ। ଜିରୋ ନାଇଟ ଭିଡ ଏଡାଇବାକୁ ରାତି ୧୦ଟାରୁ ୧୪୪ ଧାରା ଜାରି କରାଯିବ। ରାତି ୯ଟା ସୁଦ୍ଧା ସବୁ କାମ ସାରି ଘରକୁ ଫେରିଯିବାକୁ ସେ ପରାମର୍ଶ ଦେଇଛନ୍ତି। କେହି ବାହାରେ ବୁଲୁଥିବା ବେଳେ ଧରା ପଡିଲେ ରାତି ସାରା ଥାନାରେ ଅଟକ ରଖାଯିବ। ରାତିରେ ନୂଆବର୍ଷ ଭୋଜି ନ କରିବାକୁ କହିଛନ୍ତି। ଆପାର୍ଟମେଣ୍ଟ, ରେସିଡେନସିଆଲ ଜାଗାରେ ଭୋଜି କରନ୍ତୁନି। ରସ୍ତାରେ ବିଭିନ୍ନ ଜାଗାରେ ନାକା ଲଗାଯିବ। ଅନୁମତି ନ ଥିବା ଲୋକଙ୍କୁ ଆଗକୁ ଯିବାକୁ ଦିଆଯିବ ନାହିଁ, ଟୁଇନ ସିଟିରେ ୪୦ ପ୍ଲାଟୁନ ଫୋର୍ସ ପୁଲିସ ମୁତୟନ ହେବେ ବୋଲି ପୁଲିସ କମିଶନର ସୁଧାଂଶୁ ଷଡଙ୍ଗୀ କହିଛନ୍ତି।