ତିହିଡି: ଭଦ୍ରକ ଜିଲା ତିହିଡି ବ୍ଲକ ଗୁଆମାଳ ପଞ୍ଚାୟତ ନୂଆ ଶାସନ ଗାଁରେ ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡରେ ନୂଆଶାସନ ଗାଁ ପଣ୍ଡାସାହିର ଳାଶ ଚନ୍ଦ୍ର ପଣ୍ଡା, ଅଶୋକ କୁମାର ପଣ୍ଡା ଓ ଅମୂଲ୍ୟ କୁମାର ପଣ୍ଡାଙ୍କର ୧୦ ବଖରା ଘର ସମ୍ପୂର୍ଣ୍ଣ ଭସ୍ମୀଭୂତ ହୋଇଯାଇଛି। ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି।
ଅଗ୍ମିକାଣ୍ଡ ଘଟିବା ପରେ ସମସ୍ତ ଲୋକ ଘରୁ ବାହାରି ଆସିଥିବା ବେଳେ ଆସବାବପତ୍ର, ଟଙ୍କା, ସୁନା ଗହଣା ନିଆଁରେ ଜଳିଯାଇଛି । ତିହିଡି ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ପାଇଁ ଚେଷ୍ଟା କରିଥିଲା । ସୂଚନାଯୋଗ୍ୟ, କିଛିଦିନ ପୂର୍ବରୁ ସମାନ ଗାଁରେ ଅଗ୍ନିକାଣ୍ଡ ଯୋଗୁ ସେହି ଗାଁର ୫ ବଖରା ସମ୍ପୂର୍ଣ୍ଣ ଭସ୍ମୀଭୂତ ହୋଇଯାଇଥିଲା। ସାଂସଦ ମଞ୍ଜୁଲତା ମଣ୍ଡଳ, ଗୁଆମାଳ ପଞ୍ଚାୟତର ସରପଞ୍ଚ ପ୍ରଦୀପ ପଣ୍ଡା ଘଟଣାସ୍ଥଳରେ ପହଞ୍ଚି କ୍ଷତିଗ୍ରସ୍ତ ପରିବାରଙ୍କୁ ଭେଟିଛନ୍ତି।
