ପୁରୀ : ଆଜି ମହାପ୍ରଭୁଙ୍କ ଦୁର୍ଲ୍ଲଭ ନାଗାର୍ଜୁନ ବେଶ । ମହାକାର୍ତ୍ତିକରେ ଶୁଭ ପଞ୍ଚୁକରେ ଅନୁଷ୍ଠିତ ହେଉଛି ମହାପ୍ରଭୁଙ୍କ ନାଗାର୍ଜୁନ ବେଶ। ବଡ଼ ଠାକୁର ଜଗାବଳିଆଙ୍କ ପବିତ୍ର ନାଗାର୍ଜୁନ ବେଶର ନୀତିକାନ୍ତି ଆରମ୍ଭ ହୋଇ ସାରିଛି। ଭୋର ୨ଟା ୪୫ରେ ଦ୍ୱାର ଫିଟା, ୩ଟା ୨୫ରେ ଭିତର ଶୋଧ, ଭୋର ୩ଟା ୩୫ରେ ମଙ୍ଗଳ ଆଳତୀ, ୩ଟା ୪୦ରେ ମଇଲମ , ଭୋର ୪ଟାରେ ତଡପ ଲାଗି ନୀତି ଅନୁଷ୍ଠିତ ହୋଇ ସାରିଛି। ୪ଟା ୧୦ରେ ଶ୍ରୀମନ୍ଦିରକୁ ବିଜେ ହେବା ସହ ୪ଟା ୩୫ରେ ଅବକାଶ ପୂଜା ଶେଷ ହୋଇଛି।
ବଡ଼ ଠାକୁରଙ୍କ ନାଗାର୍ଜୁନ ବେଶ ୩ ଘଣ୍ଟା ବିଳମ୍ବରେ ଆରମ୍ଭ ହୋଇଛି ବୋଲି ଜଣାପଡ଼ିଛି। ସକାଳ ୭ଟାରୁ ଆରମ୍ଭ ହେଲା ମହାପ୍ରଭୁଙ୍କ ଦୁର୍ଲ୍ଲଭ ନାଗାର୍ଜୁନ ବେଶ। ଭୋର ୪ଟା ୪୫ରୁ ଆରମ୍ଭ ହେବାର ଥିଲା ମହାପ୍ରଭୁଙ୍କ ବେଶ। ସେବାୟତମାନଙ୍କ ମଧ୍ୟରେ ବିବାଦ ଯୋଗୁଁ ବେଶ ନୀତି ବିଳମ୍ବ ହୋଇଛି ବୋଲି କୁହାଯାଇଛି। ସିଂହାରୀ, ଖୁଣ୍ଟିଆ ଓ ଭଣ୍ଡାର ମେକାପଙ୍କ ମଧ୍ୟରେ ବିବାଦ ହୋଇଥିଲା ବୋଲି କୁହାଯାଉଛି। ସ୍ୱର୍ଣ୍ଣ ଅଳଙ୍କାରକୁ ନେଇ ବିବାଦୀୟ ପରିସ୍ଥିତି ଯୋଗୁଁ ବିଳମ୍ବ ହୋଇଥିବା ନେଇ ସୂଚନା ମିଳିଛି। ଅଧିକ ସେବାୟତ ନିୟୋଜିତ ହେବା ନେଇ ମଧ୍ୟ ବିବାଦ ସୃଷ୍ଟି ହୋଇଥିଲା। ପ୍ରଶାସନ ହସ୍ତକ୍ଷପ ପରେ ୩ ଘଣ୍ଟା ବିମଳ୍ୱରେ ଆରମ୍ଭ ହୋଇଛି ବେଶ। ଅବକାଶ ଓ ମଇଲମ ନୀତି ପରେ ଚାଲିଛି ନାଗାର୍ଜୁନ ବେଶ।
Comments are closed.