କେଶଦୁରାପାଳ : କେନ୍ଦୁଝର ଜିଲାର ଆନନ୍ଦପୁର ଉପଖଣ୍ଡରେ ଦିନ କୁ ଦିନ ଚୋରୀ ଡକାୟତି ବୃଦ୍ଧି ପାଉଥିବା ବେଳେ ଆଜି ଏକ ଡକାୟତି ଗ୍ୟାଙ୍ଗ ର ପର୍ଦ୍ଦାଫାସ ହୋଇଥିବା ଜଣାପଡ଼ିଛି। ଏଥି ସହିତ ୮ ଲକ୍ଷ ଟଙ୍କା ମୂଲ୍ୟର ମୋବାଇଲ ଜବତ କରାଯାଇ ଥିବା ବେଳେ ୨ ଜଣ ଡକାୟତ ଗିରଫ ହୋଇଛନ୍ତି ।
ସୂଚନାଯୋଗ୍ୟ ଯେ, ଯାଜପୁର ଜିଲା କୋରେଇଁ ଥାନା ଅଂଚଳର ରାଜକିଶୋର ଦାସ୍ (୩୦) ଓ ତାରିଣୀ ପସାଦ ଦାସ (୩୦) ଏକ ପଲସର ବାଇକ୍ ଚୋରା ମୋବାଇଲ ନେଇ ଯାଉଥିବା ବେଳେ ସଇଲଙ୍ଗ ଛକ ନିକଟରେ ଜଣେ ବ୍ୟକ୍ତିଙ୍କର ମୋବାଇଲ ଝାମ୍ପି ନେଉଥିବା ବେଳେ ଭକ୍ତ ବ୍ୟକ୍ତି ଜଣକ ଘସିପୁରା ପୁଲିସକୁ ଖବର ଦେଇଥିଲେ। ଘସିପୁରା ପୁଲିସ ସେହି ପଲସର ବାଇକ୍ କୁ ପିଛା କରି ସେମାନଙ୍କୁ ଭଗାନଇ ଛକରେ କାବୁ କରିଥିଲେ। ସେମାନଙ୍କ ଠାରୁ ୪୦ ଟି ମୋବାଇଲ ସହିତ ଏକ ପଲସର ୨୨୦ ବାଇକୁ ଏକ ଲଙ୍କା ଗୁଣ୍ଡ ପାକେଟ ଏକ ଛୁରା ଜବତ ହୋଇଥିବା ବେଳେ ଏହାର ଆନୁମାନିକ ମୂଲ୍ୟ ୮ ଲକ୍ଷ ୫୦ହଜାର ଟଙ୍କା ହେବ ବୋଲି ଜଣାପଡ଼ିଛି । ଏହି ଚଢ଼ଉ ରେ ଘସିପୁରା ପୁଲିସ୍ ସହଯୋଗ କରିଥିବା ବେଳେରାଜ କିଶୋର ଦାସ୍ (୩୦) ଓ ତାରିଣୀ ପସାଦ ଦାସ ଙ୍କୁ ଘସିପୁରା ଥାନା କେ ଶ ନଂ ୧୮୯/୩୯୨ ରେ ସେମାନଙ୍କୁ କୋଟ ଚାଲାଣ କରିଥିବା ଜଣାପଡ଼ିଛି ।
