ଖୋର୍ଦ୍ଧା ଜିଲ୍ଲାପାଳଙ୍କ ସମୀକ୍ଷା ବୈଠକ : କୋଭିଡ-୧୯ ନିୟମାବଳିକୁ ଭାଙ୍ଗୁଥିବା ଅମାନିଆଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ତହସିଲଦାରକୁ ନିର୍ଦେଶ

ବୋଲଗଡ: କରେନା ମହାମାରୀ ସାରା ବିଶ୍ୱରେ ତାର ଆତଙ୍କରାଜ ଚାଲିଥିବାବେଳେ ଓଡିଶା ରାଜ୍ୟ ଏଥିରୁ ବାଦ ପଡିନାହିଁ। ବିଶେଷ କରି ଖୋର୍ଦ୍ଧା ଜିଲ୍ଲାରେ ବଢୁଥିବା ସଂକ୍ରମଣ ପ୍ରଶାସନପାଇଁ ମୁଣ୍ଡବ୍ୟଥାର କାରଣ ପାଲଟିଛି। ସରକାରୀ ସ୍ତରରେ ବହୁପଦକ୍ଷେପ ନିଆଯାଇ ଏହି ସଂକ୍ରମଣକୁ କିପରି ରୋକାଯାଇ ପାରିବ ଏବଂ ଲୋକମାନେ କିଭଳି ସଚେତନ ହେବେ ଏହାକୁ ନେଇ ଭିଡିଓ କନଫରେସିଂ ମାଧ୍ୟମରେ ଖୋର୍ଦ୍ଧା ଜିଲ୍ଲାପାଳ ସନତ କୁମାର ମହାନ୍ତିଙ୍କ ଏହି ସମୀକ୍ଷା ବୈଠକରେ ବୋଲଗଡ ବ୍ଲକର ଅଧିକାରୀଙ୍କ ସମେତ ୧୯ଟି ପଞ୍ଚାୟତର ସରପଞ୍ଚ ଯୋଗ ଦେଇଥିଲେ। ମାସ୍କ ପିନ୍ଧୁ ନଥିବା, ସାମାଜିକ ଦୂରତାକୁ ରକ୍ଷା କରୁନଥିବା ଏବଂ କୋଭିଡ-୧୯ ନିୟମାବଳିକୁ ଭାଙ୍ଗୁଥିବା ଅମାନିଆଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ନେବାକୁ ତହସିଲଦାରକୁ ନିର୍ଦେଶ ଦେଇଥିଲେ। ସରପଞ୍ଚମାନେ ସମସ୍ୟାକୁ ସମସ୍ତଙ୍କୁ ସାମ୍ନା କରିବାକୁ ହେବ। ଆଗାମୀ ଦିନରେ କରୋନା ଟେଷ୍ଟିଂକୁ ପଞ୍ଚାୟତ ମାନଙ୍କରେ ବୃଦ୍ଧି କରାଇ ପ୍ରତ୍ୟେକ ଲୋକଙ୍କୁ ନିଜ ନିଜର କରୋନା ପରୀକ୍ଷା କରାଇବାକୁ ପ୍ରବତ୍ତ୍ରାଇବା, ମାସ୍କ ବ୍ୟବହାର ସହିତ ସାମାଜିକ ଦୁରତାକୁ ଗୁରୁତ୍ୱ ଦେବା, କରୋନାରୁ ଭଲ ହୋଇଫେରିଥିବା ବ୍ୟକ୍ତିମାନେ ଯେପରି ସେମାନଙ୍କର ପ୍ଲାଜମା ଦାନ କରିବାକୁ ମନ ବଳାଇବେ ସେଥି ପ୍ରତି ଗୁରୁତ୍ୱ ଦେବାକୁ ଅନୁରୋଧ କରିଥିଲେ। ଏହି ଭିଡିଓ କନଫରେସିଂ ସମୀକ୍ଷା ବୈଠକରେ ବିଡିଓ ଧୋବେଇ ନାଏକ, ପଞ୍ଚାୟତ ସମିତି ଅଧ୍ୟକ୍ଷ ଗୋପାଳ ଚରଣ ବେହେରା, ବ୍ଲକ ନୋଡାଲ ଅଧିକାରୀ ସୈାମ୍ୟରଞ୍ଜନ ରାୟ, ବିପିଏମ ପ୍ରକାଶଚନ୍ଦ୍ର ବଳିୟାରସିଂହ,ସାମାଜିକ ଜନକଲ୍ୟାଣ ଅଧିକାରୀ କାମଦେବ ନାୟକଙ୍କ ସହିତ ବ୍ଲକର ସମସ୍ତ କର୍ମଚାରୀ ଏବଂ ୧୯ଗୋଟି ପଞ୍ଚାୟତର ସରପଞ୍ଚ ମାନେ ଉପସ୍ଥିତ ଥିଲେ।