ଆଜି ପୁଣି ଟଣାହେବ ନନ୍ଦିଘୋଷ ରଥ

ପୁରୀ : ନନ୍ଦିଘୋଷ ରଥପାଇଁ ପ୍ରଶାସନକୁ ଭାଙ୍ଗିବାକୁ ପଡିଛି ସୂଚନା କେନ୍ଦ୍ର । କାଟିବାକୁ ପଡିଛି ଗୋଟିଏ ଗଛ । ଶ୍ରୀଜଗନ୍ନାଥ ମହାପ୍ରଭୁଙ୍କ ନନ୍ଦିଘୋଷ ରଥ ବଳଗଣ୍ଡି ଉଚ୍ଚ ବିଦ୍ୟାଳୟ ସମ୍ମୁଖରେ ଅଟକି ରହିଛି । ଭକ୍ତମାନେ ଜୋରରେ ରଥ ଟାଣିବାରୁ ବାମପାର୍ଶ୍ବକୁ ରଥ ଗଡିଯାଇଛି। ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ନିର୍ମିତ ଅସ୍ଥାୟୀ ସୂଚନା କେନ୍ଦ୍ରରେ ରଥର କିଛି ଅଂଶ ଲାଗି ରହିଥିଲା । ତେଣୁ ରବିବାର ପୁଣିଥରେ ନନ୍ଦିଘୋଷ ରଥ ଟଣାଯାଇ ଶ୍ରୀଗୁଣ୍ଡିଚା ମନ୍ଦିର ସମ୍ମୁଖକୁ ନିଆଯିବ । ଶନିବାର ଶ୍ରୀବଳଭଦ୍ରଙ୍କ ତାଳଧ୍ୱଜ ଏବଂ ଦେବୀ ସୁଭଦ୍ରାଙ୍କ ଦର୍ପଦଳନ ରଥ ଗୁଣ୍ଡିଚା ମନ୍ଦିର ସମ୍ମୁଖରେ ପହଞ୍ଚିଛନ୍ତି । ବଳଗଣ୍ଡି ଛକରେ ଶ୍ରଦ୍ଧାଳୁ ଭକ୍ତମାନେ ରଥାରୂଢ ଶ୍ରୀଜଗନ୍ନାଥ ମହାପ୍ରଭୁଙ୍କୁ ଦର୍ଶନ କରୁଛନ୍ତି । କାଳିଆ ଠାକୁରଙ୍କ ପାଖରେ ଜମିଛି ଭକ୍ତଙ୍କ ଭିଡ । ବଡ଼ଦାଣ୍ଡରେ ଛିଡାହୋଇ ଶ୍ରଦ୍ଧାଳୁମାନେ ଶ୍ରୀଜୀଉଙ୍କୁ ଦର୍ଶନ ଓ ପୂଜାର୍ଚ୍ଚନା କରୁଛନ୍ତି । ରଥ ଚତୁଃପାର୍ଶ୍ବରେ ପୁଲିସ କର୍ଡନ କରାଯାଇଛି ।