ନଭେମ୍ବର ୨୯ ପୂର୍ବରୁ ବିହାରରେ ବିଧାନସଭା ନିର୍ବାଚନ

ନୂଆଦିଲ୍ଲୀ : ବିହାର ବିଧାନସଭା ନିର୍ବାଚନ ସହିତ ଦେଶର ଗୋଟିଏ ଲୋକସଭା ଏବଂ ୬୫ଟି ବିଧାନସଭା ଆସନ ପାଇଁ ନିର୍ବାଚନ ହେବ। ଏନେଇ ଶୁକ୍ରବାର ନିର୍ବାଚନ ଆୟୋଗ ଘୋଷଣା କରିଛନ୍ତି। ନଭେମ୍ବର ୨୯ ପୂର୍ବରୁ ବିହାରରେ ବିଧାନସଭା ନିର୍ବାଚନ ଅନୁଷ୍ଠିତ ହେବ ବୋଲି ଆୟୋଗ କହିଛନ୍ତି। ଯଦିଓ ବିହାର ନିର୍ବାଚନର ତାରିଖ ଘୋଷଣା ହୋଇନାହିଁ, ତଥାପି ନିର୍ବାଚନ କମିଶନ ଖୁବ ଶୀଘ୍ର ନିର୍ବାଚନ ସୂଚୀ ପ୍ରକାଶ କରିପାରନ୍ତି ବୋଲି ଆଶା କରାଯାଉଛି।

ନିର୍ବାଚନ ଆୟୋଗ କହିଛନ୍ତି ଯେ, ବିହାର ବିଧାନସଭା ନିର୍ବାଚନ ସମୟରେ ଗୋଟିଏ ଲୋକସଭା ଆସନ ଏବଂ ଦେଶର ୬୫ଟି ବିଧାନସଭା ଆସନରେ ଉପ-ନିର୍ବାଚନ ଅନୁଷ୍ଠିତ ହେବ। ଉପ-ନିର୍ବାଚନ ଏବଂ ବିହାର ବିଧାନସଭା ନିର୍ବାଚନ ଏକାଠି ହେବାର କାରଣ ହେଉଛି ଆଇନ ଶୃଙ୍ଖଳା ବ୍ୟବସ୍ଥା ଠିକ୍ ରହିବ। ବିହାର ବିଧାନସଭା ନିର୍ବାଚନର କାର୍ଯ୍ୟସୂଚୀ ସହିତ ଉପ-ନିର୍ବାଚନ ଉପଯୁକ୍ତ ସମୟରେ ଘୋଷଣା କରାଯିବ ବୋଲି ଆୟୋଗ କହିଛନ୍ତି।

Announcement of the schedule of Bihar General Assembly elections as well as these by-elections will be done by the Commission at an appropriate time: Election Commission of India https://t.co/j05jezzIHI

— ANI (@ANI) September 4, 2020

ସୂଚନାଯୋଗ୍ୟ, ଦେଶର ଗୋଟିଏ ଲୋକସଭା ଏବଂ ୬୪ଟି ବିଧାନସଭା ଆସନ ଖାଲି ରହିଛି। ଆଜି ଉପ-ନିର୍ବାଚନ ସମ୍ପର୍କରେ ନିର୍ବାଚନ ଆୟୋଗର ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା। ଏଥିରେ ସମସ୍ତ ରାଜ୍ୟର ନିର୍ବାଚନ ଅଧିକାରୀଙ୍କ ରିପୋର୍ଟ ସମୀକ୍ଷା କରାଯାଇଥିଲା।

ସେପ୍ଟେମ୍ବର ୧୫ ସୁଦ୍ଧା ସମ୍ଭାବ୍ୟ ନିର୍ବାଚନ ଘୋଷଣା

ନିର୍ବାଚନ ଆୟୋଗ ସୂତ୍ର ଅନୁଯାୟୀ, ବିହାର ବିଧାନସଭା ନିର୍ବାଚନ ପାଇଁ ସେପ୍ଟେମ୍ବର ୧୫ରେ ଘୋଷଣା କରାଯାଇପାରେ। ତିନୋଟି ପର୍ଯ୍ୟାୟରେ ମତଦାନ ହୋଇପାରେ। ବିଳମ୍ବିତ ମୌସୁମୀ ଯୋଗୁଁ କେତେକ ଅଞ୍ଚଳରେ ବନ୍ୟା ପରିସ୍ଥିତି ଉପୁଜିଥିବାରୁ ସେହି ଅଞ୍ଚଳରେ ଶେଷ ତାରିଖରେ ଭୋଟ୍ ଗ୍ରହଣ କରାଯାଇପାରେ। ଚଳିତ ବର୍ଷ କରୋନା ଯୁଦ୍ଧ ସମୟରେ ବିହାରରେ ବିଧାନସଭା ନିର୍ବାଚନ ହେବାକୁ ଯାଉଛି, ଯାହା ଦେଶରରେ ପ୍ରଥମ ।