ରାୟଗଡ଼: ଦୀର୍ଘ ୩୫ ବର୍ଷ ପରେ ଗଜପତି ଫେରିଲେ ଜଗପତି କାର୍ଯୀ । ତାଙ୍କ ପ୍ରକୃତ ନାମ ହେଉଛି ଦୟା ଭୂୟାଁ । ରାୟଗଡ଼ ବ୍ଲକ ଅନ୍ତର୍ଗତ ତାଳମୁଣ୍ଡା ପଞ୍ଚାୟତର ଆବରସିଙ୍ଗ ଗ୍ରାମର ସ୍ବର୍ଗତ ମାଗତା ଭୂୟାଁଙ୍କ ପ୍ରଥମ ପୁଅ। ଆଜିକୁ ଦୀର୍ଘ ୩୫ ବର୍ଷ ତଳେ ଜଗପତି କାର୍ଯୀ ରୋଜଗାର କରିବା ଉଦ୍ଦେଶ୍ୟରେ ଅରୁଣାଚଳ ପ୍ରଦେଶ ଯାଇଥିଲେ ଓ କୌଣସି କାରଣ ବଶତଃ କମ୍ପାନୀ ବନ୍ଦ ହୋଇଯିବା ପରେ ସେଠାରେ ଲୋୟର ସୁବନସିରି ଜିଲାର ଜିରୋ ଟାଉନ ଅଞ୍ଚଳରେ ଥିବା ଜଙ୍ଗଲର ନିକଟବର୍ତ୍ତୀ ଅଞ୍ଚଳରେରେ ଏକାକୀ ବସବାସ କରୁଥିଲେ ।
ଜନ୍ମସ୍ଥାନ ଓଡିଶାକୁ ଫେରିବା ପାଇଁ ଇଚ୍ଛା ଥିଲେ ମଧ୍ୟ ପଇସା ଓ ସାହାଯ୍ୟ ସହଯୋଗ ଅଭାବରୁ ସେ ଘରକୁ ଫେରି ପାରୁ ନ ଥିଲେ । ଓଡିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ, ଏହି କଥା ଜାଣିବାପରେ ଓଡିଶା ମୋ ପରିବାରକୁ ନିର୍ଦ୍ଦେଶ ଦେଇଥିଲେ ତାଙ୍କୁ ଫେରାଇ ଆଣିବା ପାଇଁ । ‘ଓଡିଶା ମୋ ପରିବାର’ର ଅନୁରୋଧ କ୍ରମେ ତାଙ୍କର ପରିବାର ବର୍ଗ ଗଜପତି ଜିଲାପାଳଙ୍କୁ ଯୋଗାଯୋଗ କରିଥିଲେ। ପରେ ଗଜପତି ଜିଲାପାଳ ସହକାରୀ ଶ୍ରମ ଅଧିକାରୀ ଶ୍ରୀ ସୁଭାଷ ଚନ୍ଦ୍ର ମଣ୍ଡଳଙ୍କୁ ଅରୁଣାଚଳ ପ୍ରଦେଶ ପଠାଇଥିଲେ ଓ ସାହାଯ୍ୟ ସହଯୋଗ କରିଥିଲେ। ଜଗପତି କାର୍ଯୀ ବର୍ତ୍ତମାନ ଗାଁକୁ ଫେରି ଆସିଛନ୍ତି ।
