ନୂଆଦିଲ୍ଲୀ: ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ସ୍ବାସ୍ଥ୍ୟ ଆହୁରି ଖରାପ ହୋଇଛି । ସେ ଏବେ ଗଭୀର କୋମାରେ ଜୀବନରକ୍ଷା ପ୍ରଣାଳୀ (ଭେଣ୍ଟିଲେଟର)ରେ ଅଛନ୍ତି । ଡ଼ାକ୍ତରଖାନା ପକ୍ଷରୁ ଜାରି ମେଡ଼ିକାଲ ବୁଲେଟିନରେ ଏ ସମ୍ପର୍କରେ ସୂଚନା ଦିଆଯାଇଛି । ଏହି ବୁଲେଟିନରେ କୁହାଯାଇଛି – ଶ୍ରୀ ମୁଖାର୍ଜୀ ଏବେ ଅଚେତ ଓ ଭେଣ୍ଟିଲେଟରରେ ଅଛନ୍ତି । ଫୁସଫୁସ ସଂକ୍ରମଣର ଚିକିତ୍ସା କରାଯାଉଛଇ । ତାଙ୍କର ରକ୍ତଚାପ ଓ ହୃତସ୍ପନ୍ଦନ ସ୍ଥିର ରହିଛି ।
ମସ୍ତିଷ୍କରେ ରକ୍ତ ଜମାଟ ବାନ୍ଧିବା କାରଣରୁ ଗତ ୧୦ ତାରିଖରେ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କୁ ସେନା ହସପିଟାଲରେ ଭର୍ତି କରାଯାଇଥିଲା ଓ ସେଠାରେ ତାଙ୍କର ଅପରେସନ ହୋଇଥିଲା । ଏହାପରେ ସେ କୋଭିଡ଼ ପଜିଟିଭ୍ ଥିବା ଚିହ୍ନଟ କରାଯାଇଥିଲା । ସେନା ଡ଼ାକ୍ତରଖାନାରେ ଏକ ବିଶେଷଜ୍ଞ ଦଳ ତାଙ୍କର ଚିକିତ୍ସା କରୁଛନ୍ତି । ମାତ୍ର ଗତ ସପ୍ତାହରେ ତାଙ୍କର ଫୁସଫୁସ ସଂକ୍ରମଣ ହେବା ପରେ ସ୍ବାସ୍ଥ୍ୟ ଅଧିକ ଖରାପ ହୋଇ ଯାଇଥିଲା ।
