ନୂଆଦିଲ୍ଲୀ : ୨୦୦୮ ମସିହାରେ ମୁକ୍ତିଲାଭ କରିଥିବା ଚଳଚ୍ଚିତ୍ର ‘ଜାନେତୁ ୟା ଜାନେନା’ ଚଳଚ୍ଚିତ୍ରକୁ ଗୁରୁବାର ୧୦ବର୍ଷ ପୁରିଛି। ଏହି ଚଳଚ୍ଚିତ୍ରଟି ଯୁବ ପିଢିମାନଙ୍କ ମଧ୍ୟରେ ବହୁତ ଲୋକପ୍ରିୟ ହୋଇଥିଲା। ଅଭିନେତା ଅମିର ଖାନଙ୍କର ଭଣଜା ଇମରାନ ଖାନ ଏହି ଚଳଚ୍ଚିତ୍ରରୁ ନିଜର ଫିଲ୍ମ କ୍ୟାରିୟର ଆରମ୍ଭ କରିଥିଲେ। ଅମିର ଖାନ ଏବଂ ତାଙ୍କର ସମ୍ପର୍କିୟ ଭାଇ ମନସୁର ଖାନ ଏହି ଚଳଚ୍ଚିତ୍ରର ନିର୍ମାଣ କରିଥିଲେ। ଇମରାନଙ୍କର ପତ୍ନି ଅବନ୍ତିକା ପୁରୁଣା କଥାକୁ ମନେପକାଇ ନିଜର ଇନଷ୍ଟାଗ୍ରାମ ଆକାଉଣ୍ଟରେ ଚଳଚ୍ଚିତ୍ରର ପୋଷ୍ଟର ଅପଲୋଡ କରି ଲେଖିଛନ୍ତି -‘ଜାନେତୁ ୟା ଜାନେନା’ ଚଳଚ୍ଚିତ୍ରକୁ ଆଜି ୧୦ବର୍ଷ ପୁରିଛି , ସମୟ କେମିତି ଚାଲିଗଲା କିଛି ଜଣା ପଡିଲାନି। ମୋ ସ୍ୱାମୀଙ୍କର ଏହି ପ୍ରଥମ ଚଳଚ୍ଚିତ୍ରକୁ ଦର୍ଶକ ମାନେ ଅନେକ ଭଲପାଇବା ଦେଇଥିବାରୁ ଦର୍ଶକ ମାନଙ୍କୁ ମୋ ତରଫରୁ ବହୁତ ବହୁତ ଧନ୍ୟବାଦ ଜଣାଉଛି।
