ପିପିଲି: କରୋନା ଯୋଦ୍ଧାଙ୍କଠାରେ କରୋନା ଆକ୍ରାନ୍ତ ଚିହ୍ନଟ କରାଯାଇଛି। ସେ ଗାଁରେ ଥିବାବେଳେ ସାଙ୍ଗସାଥୀଙ୍କ ସହ କ୍ରିକେଟ ଖେଳିଥିଲେ। କରୋନା ଆକ୍ରାନ୍ତ ଚିହ୍ନଟ ହେବା ପରେ ତାଙ୍କର କଣ୍ଟାକ୍ଟ ଟ୍ରେସିଂ ଚାଲିଛି। ତାଙ୍କ ସଂସ୍ପର୍ଶରେ ଆସିଥିବା ସମସ୍ତ ଲୋକଙ୍କ କରୋନା ଟେଷ୍ଟ କରାଯିବ ବୋଲି ଜଣାପଡ଼ିଛି।
ପିପିଲି ବ୍ଲକ ଗୋବିନ୍ଦପୁର ପଞ୍ଚାୟତ ଅନ୍ତର୍ଗତ ଏକ ଗ୍ରାମର ଜଣେ ୨୨ ବର୍ଷର ଯୁବକ କରୋନା ପଜେଟିଭ୍ ଚିହ୍ନଟ ହୋଇଛନ୍ତି। ସ୍ୱାସ୍ଥ୍ୟ ବିଭାଗ ପକ୍ଷରୁ ତାଙ୍କୁ ଭୁବନେଶ୍ୱର ସ୍ଥିତ ଏକ କୋଭିଡ୍ ହସ୍ପିଟାଲ୍ରେ ଭର୍ତ୍ତି କରାଯାଇଛି। ଉକ୍ତ ଯୁବକ ଜଣକ ଭୁବନେଶ୍ୱରର ଏକ ପ୍ରମୁଖ ଘରୋଇ ଡାକ୍ତରଖାନାରେ ଲବୋରେଟରି ଟେକ୍ନିସିଆନ୍ ଭାବେ କାର୍ଯ୍ୟ କରୁଥିବା ସୂଚନା ମିଳିଛି । ଗତ କିଛିଦିନ ତଳେ ତାଙ୍କୁ ଜ୍ୱର ହୋଇଥିବା ବେଳେ ସେ ନିଜର କୋଭିଡ ପରୀକ୍ଷା କରାଇଥିଲେ। ତେବେ କରୋନା ରିପୋର୍ଟ ପଜିଟିଭ୍ ଆସିବା ପରେ ତାଙ୍କୁ କୋଭିଡ ହସ୍ପିଟାଲ୍ରେ ଭର୍ତ୍ତି କରାଯାଇଛି। କୋଭିଡ ପରୀକ୍ଷା ପାଇଁ ନିଜର ସ୍ୱାବ ଦେବା ପରେ ଉକ୍ତ ଯୁବକ ଜଣକ ନିଜ ଗ୍ରାମର ଯୁବକମାନଙ୍କ ସହ ମିଶି ଖେଳ ପଡ଼ିଆରେ କ୍ରିକେଟ୍ ଖେଳିବା ସହ ଅନେକଙ୍କ ସଂସ୍ପର୍ଶରେ ଆସିଥିବା ସୂଚନା ମିଳିଛି। ଖୁବ୍ ଶିଘ୍ର ଉକ୍ତ ଅଞ୍ଚଳକୁ କଣ୍ଟେନମେଣ୍ଟ ଜୋନ୍ କରାଯିବା ସହ ସ୍ୱାସ୍ଥ୍ୟ ବିଭାଗ ପକ୍ଷରୁ ତାଙ୍କର କଣ୍ଟାକ୍ଟ ଟ୍ରେସିଂ କରାଯାଉଥିବା ବେଳେ ତାଙ୍କ ସଂସ୍ପର୍ଶରେ ଆସିଥିବା ସମସ୍ତ ବ୍ୟକ୍ତିଙ୍କ କୋଭିଡ୍ ପରୀକ୍ଷା କରାଯିବ ବୋଲି ସୂଚନା ମିଳିଛି। ଏହାକୁ ମିଶାଇ ପିପିଲି ଅଞ୍ଚଳର ମୋଟ୍ ସଂକ୍ରମିତଙ୍କ ସଂଖ୍ୟା ୨୭ରେ ପହଞ୍ଚିଛି। ସେମାନଙ୍କ ମଧ୍ୟରୁ ୧୮ଜଣ ସୁସ୍ଥ ହୋଇସାରିଥିବା ନେଇ ସ୍ୱାସ୍ଥ୍ୟ ବିଭାଗର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି । ଗୋବିନ୍ଦପୁର ପଞ୍ଚାୟତର ସରପଞ୍ଚ କାଳନ୍ଦୀ ମଲ୍ଲିକ ଆଜି ଉକ୍ତ ଆକ୍ରାନ୍ତଙ୍କ ଗ୍ରାମ ସମେତ ଉକ୍ତ ଅଞ୍ଚଳକୁ ସଂଯୋଗ କରୁଥିବା ୪ଟି ରାସ୍ତାକୁ ସିଲ୍ କରି ଦେବା ସହ ୪ଟି ୱାର୍ଡକୁ ନିଷେଧାଞ୍ଚଳ ଭାବେ ଘୋଷଣା କରିଥିବା ସୂଚନା ମିଳିଛି।
କରୋନା ଯୋଦ୍ଧାଙ୍କୁ କରୋନା: ଗାଁରେ ଖେଳିଥିଲେ କ୍ରିକେଟ୍, ଚାଲିଛି କଣ୍ଟାକ୍ଟ ଟ୍ରେସିଂ
Popular Categories
Previous article
Next article