ଦେବଗଡ :ଦେବଗଡ ପୌରାଞ୍ଚଳରେ କରୋନା ସଂକ୍ରମଣ ପ୍ରତିହତ କରିବା ନିମନ୍ତେ ଦେବଗଡ ଜିଲା ପ୍ରଶାସନ ପକ୍ଷରୁ ଦେବଗଡ ପୌରାଞ୍ଚଳକୁ ଆଗାମୀ ଶନିବାର ଓ ରବିବାର ୨ଦିନ ପାଇଁ ସଟ ଡାଉନ(ସମ୍ପୁର୍ଣ୍ଣ ଭାବେ ତାଲା ବନ୍ଦ)ଘୋଷଣା କରାଯାଇଛି। ଏହି ଘୋଷଣା ଆଗାମୀ ଶନିବାର ସକାଳ ୫ ଟାରୁ କାର୍ଯ୍ୟକାରୀ ହୋଇ ସୋମବାର ସକାଳ ୫ଟା ପଯ୍ୟନ୍ତ ବଳବତ୍ତର ରହିବ ବୋଲି ଜିଲା ପ୍ରଶାସନ ସୂତ୍ରରୁ ଜଣାପଡିଛି।
ଏହି ତାଲା ବନ୍ଦ ଅବଧି ସମୟରେ କେବଳ ଔଷଧ ଦୋକାନ, ଡାକ୍ତରଖାନା ଓ ସ୍ୱାସ୍ଥ୍ୟ ସମ୍ବନ୍ଧୀୟ ଦୋକାନ ଗୁଡିକ ଖୋଲାଯାଇପାରିବ। ଏହି ଅବଧି ମଧ୍ୟରେ ଡାକସେବା,ସ୍ୱାସ୍ଥ୍ୟ ଓ ପରିମଳ ସେବା,ପାନୀୟ ଜଳ ଯୋଗାଣ, ବିଦ୍ୟୁତ ସେବା,ଟେଲିଫୋନ ସେବା, ଗ୍ୟାସ ଯୋଗାଣ ଓ ପୁଲିସ ସେବା ଇତ୍ୟାଦି ଚାଲୁରହିବ। ଏହି ଅବଧି ମଧ୍ୟରେ ସରକାରୀ କାର୍ଯ୍ୟାଳୟ ଏବଂ ବ୍ୟାଙ୍କ ଗୁଡିକ ଖୋଲା ରହିବ। ମାତ୍ର ସର୍ବ ସାଧାରଣଙ୍କ ପାଇଁ କଟକଣା ରହିବ ଓ କର୍ମଚାରୀ ମାନେ ନିଜ ନିଜର ପରିଚୟ ପତ୍ର ଦେଖାଇ କାର୍ଯ୍ୟାଳୟ/ ବ୍ୟାଙ୍କ ମାନଙ୍କରେ ପ୍ରବେଶ କରିପାରିବେ। ଉପରୋକ୍ତ ଅତ୍ୟାବଶ୍ୟକ ସାମଗ୍ରୀ ଓ ଜରୁରୀ ସେବାକୁ ଛାଡି ଅନ୍ୟାନ୍ୟ ସମସ୍ତ ଦୋକାନ ବଜାର ବନ୍ଦ ରହିବା ସହ ସର୍ବ ସାଧାରଣଙ୍କ ଯାତାୟତ, ଯାନବାହାନ ଚଳାଚଳ ପାଇଁ କଟକଣା ବଳବତ୍ତର ରହିବ। କେବଳ ଅନୁମତି ପ୍ରାପ୍ତ ଯାନ ବାହାନ ଓ ବ୍ୟକ୍ତି ବିଶେଷ ଏହି ସମୟ ମଧ୍ୟରେ ଚଳ ପ୍ରଚଳ କରିପାରିବେ।
