ମୁମ୍ବଇ: କପିଲ ଶର୍ମା ଓ ତାଙ୍କ ଲୋକପ୍ରିୟ କାର୍ଯ୍ୟକ୍ରମ ‘ଦି କପିଲ ଶର୍ମା ଶୋ’ର ପ୍ରଶଂସକଙ୍କ ପାଇଁ ଖୁସି ଖବର। ଖୁବଶୀଘ୍ର ଟିଭିରେ ପୁଣିଥରେ ଦର୍ଶକ ଏହାକୁ ଦେଖିବାକୁ ପାଇବେ। କାରଣ ୨୪ ଜୁନ୍ରୁ ଏହାର ଶୁଟିଂ ଆରମ୍ଭ ହେବାକୁ ଯାଉଛି। କରୋନା କାରଣରୁ ପ୍ରାୟ ୩ ମାସ ଧରି ବନ୍ଦ ଥିବା ଏହି ଶୋ’ର ଶୁଟିଂ ପୁଣି ଜୁନ୍ ୨୪ ତାରିଖରୁ ଆରମ୍ଭ କରିବା ପାଇଁ ସୋନି ଚ୍ୟାନେଲ୍ ଟିମ୍କୁ ପରାମର୍ଶ ଦେଇଛି। କପିଲଙ୍କ ପୂରା ଟିମ୍ ଏନେଇ ଖୁବ୍ ଉତ୍ସାହିତ ଅଛନ୍ତି।
ଶୋ’ର ସହ କଳାକାର ଅର୍ଚ୍ଚନା ପୂରଣ ସିଂହ କହିଛନ୍ତି,‘‘ଲକଡାଉନ ଘୋଷଣା ହେବା ପୂର୍ବରୁ ପୂରା ଟିମ୍ ସୁରକ୍ଷାକୁ ଦୃଷ୍ଟିରେ ରଖି କାମ କରୁଥିଲା। ଏବେ ପରିସ୍ଥିତି ଆହୁରି ଜଟିଳ। ତେଣୁ ସମସ୍ତ ପ୍ରକାର ସୁରକ୍ଷା ଏବଂ ନିର୍ଦ୍ଦେଶାବଳୀକୁ ଦୃଷ୍ଟିରେ ରଖି ପୁନର୍ବାର ଶୁଟିଂ ଆରମ୍ଭ ହେବ’’।
ତେବେ ଏଥର କରୋନା ଯୋଦ୍ଧାମାନେ ଶୋ’ର ଅତିଥି ହୋଇପାରନ୍ତି ବୋଲି ଶୁଣିବାକୁ ମିଳୁଛି।
Comments are closed.