ଲକ୍ଷ୍ନୌ: ଲଙ୍କାରେ ହରିଶବ୍ଦ ଶୁଣିବା ଆଶା ହୁଏତ ସତ ହୋଇପାରେ, ହେଲେ ପାକିସ୍ତାନରେ ପ୍ରଧାନମନ୍ତ୍ରୀ ମୋଦି, ଗୃହମନ୍ତ୍ରୀ ଶାହା ଓ ଉତ୍ତରପ୍ରଦେଶ ମୁଖ୍ୟମନ୍ତ୍ରୀଙ୍କ ପ୍ରଶଂସା ଶୁଣିବା କେବେ ସମ୍ଭବ ନୁହେଁ । ମାତ୍ର କରୋନା ମୁକାବିଲାରେ ଉତ୍ତରପ୍ରଦେଶରେ ମୋଦି ସରକାର ଯେଉଁ କାର୍ଯ୍ୟ କରିଛି ସେପରି କାର୍ଯ୍ୟ ପାକିସ୍ତାନରେ ଇମ୍ରାନ ସରକାର କରିପାରି ନାହିଁ । ଏ କଥା ଆଉ କେହି ନୁହନ୍ତି, ଖୋଦ୍ ପାକିସ୍ତାନ ଗଣମାଧ୍ୟମରେ ପ୍ରକାଶ ପାଇଛି । ପାକିସ୍ତାନର ବହୁଳ ପ୍ରସାରିତ ଖବରକାଗଜ ‘ଡ଼ନ୍’ରେ ପ୍ରକାଶ ପାଇଛି ଏ ସଂକ୍ରାନ୍ତରେ ବିସ୍ତୃତ ବିବରଣୀ ଆଉ ଖୋଦ୍ ସମ୍ପାଦକ ଫାହଦ ହୁସେନ ଯୋଗୀ ଆଦିତ୍ୟନାଥ କରୋନା ମୁକାବିଲା କରିବାରେ ଇମ୍ରାନଙ୍କଠାରୁ ଅଧିକ ସଫଳ ହୋଇଥିବା ନେଇ ପ୍ରଶଂସା କରିଛନ୍ତି । ଏପରିକି ଯୋଗୀ କରୋନା ବିରୋଧରେ ସଫଳତାର ସହ ଯେଉଁ ଯୁଦ୍ଧ ଜାରି ରଖିଛନ୍ତି ତାହା ଇମ୍ରାନ ସରକାର କରିବାରେ ବିଫଳ ହୋଇଛନ୍ତି ବୋଲି ଫାହଦ ନିଜ ସମ୍ପାଦକୟରେ ଉଲ୍ଲେଖ କରିଛନ୍ତି ।
ପାକିସ୍ତାନର ଇଂରାଜୀ ଖବରକାଗଜ ‘ଡନ୍’ର ସମ୍ପାଦକ ଫାହଦ ହୁସେନ୍ କରୋନା ମହାମାରୀ ସମୟରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ପଦକ୍ଷେପକୁ ପ୍ରଶଂସା କରିଛନ୍ତି । ସେ ଯୋଗୀ ଏବଂ ପାକିସ୍ତାନର ଇମ୍ରାନ ଖାନ ସରକାରଙ୍କ କାର୍ଯ୍ୟକୁ ଟ୍ୱିଟରରେ ତୁଳନା କରିଛନ୍ତି । କରୋନା ଯୁଦ୍ଧରେ ଯୋଗୀଙ୍କ କାର୍ଯ୍ୟକୁ ଇମ୍ରାନଙ୍କ କାର୍ଯ୍ୟ ସହ ତୁଳନା କରି କରୋନା ବିରୁଦ୍ଧରେ ଯୋଗୀଙ୍କ କାର୍ଯ୍ୟ ଇମ୍ରାନ ଖାନଙ୍କ କାର୍ଯ୍ୟଠାରୁ ବହୁ ଆଗରେ ବୋଲି କହିଛନ୍ତି ।
ଏହି ଅବସରରେ ଫାହଦ ନିଜ ଟ୍ବିଟର ହ୍ୟାଣ୍ଡଲରେ ଉତ୍ତରପ୍ରଦେଶ ଓ ପାକିସ୍ତାନକୁ ନେଇ ଏକ ତୁଳନାତ୍ମକ ଗ୍ରାଫ୍ ପୋଷ୍ଟ କରିଛନ୍ତି । ଉତ୍ତରପ୍ରଦେଶ ଓ ପାକିସ୍ତାନର ଲୋକସଂଖ୍ୟା, ଜନଘନତ୍ବ, କରୋନା ସଂକ୍ରମଣ ଓ ମୃତ୍ୟୁ ପ୍ରସଙ୍ଗ ଏଥିରେ ତୁଳନା କରାଯାଇଛି । ପାକିସ୍ତାନର ଜନଘନତ୍ବ ଉତ୍ତରପ୍ରଦେଶଠାରୁ କମ୍ ଓ ମୁଣ୍ଡପିଛା ଆୟ ମଧ୍ୟ ଅଧିକ । ଏହା ସତ୍ତ୍ବେ ଉତ୍ତରପ୍ରଦେଶ ଯୋଗୀ ସରକାର ଯାହା କରିପାରିଛି ତାହା ଇମ୍ରାନ ସରକାର କରିବାରେ ସଫଳ ହୋଇନାହିଁ । ଯେଉଁଥିଲାଗି ମୃତ୍ୟୁ ସଂଖ୍ୟା ଓ ସଂକ୍ରମଣ ସଂଖ୍ୟାରେ ମଧ୍ୟ ପାର୍ଥକ୍ୟ ଅନୁଭୂତ ହୋଇଛି ବୋଲି ଫାହଦ କହିଛନ୍ତି ।
ଏହି ଅବସରରେ ସେ ମହାରାଷ୍ଟ୍ର ଓ ପାକିସ୍ତାନ ସହ ତୁଳନା କରିଛନ୍ତି । ଏହି ରାଜ୍ୟର ଲୋକସଂଖ୍ୟା ପାକିସ୍ତାନର ଲୋକସଂଖ୍ୟା ସହ ପ୍ରାୟ ସମାନ । ଏଠାରେ ମୁଣ୍ଡପିଛା ଆୟ ପାକିସ୍ତାନ ଓ ଉତ୍ତରପ୍ରଦେଶଠାରୁ ଅଧିକ । ମାତ୍ର ଉତ୍ତରପ୍ରଦେଶ ସଂକ୍ରମଣକୁ ନିୟନ୍ତ୍ରଣ କରିବାରେ ସଫଳ ହୋଇଥିବାବେଳେ ମହାରାଷ୍ଟ୍ର ବିଫଳ ହୋଇଛି । ଉତ୍ତରପ୍ରଦେଶର କେଉଁ ନିଷ୍ପତ୍ତି ସଫଳ ଓ ମହାରାଷ୍ଟ୍ରର କେଉଁ ନିଷ୍ପତ୍ତି ବିଫଳ ହୋଇଛି ତାହାକୁ ବ୍ୟଖ୍ୟା କରିଛନ୍ତି ଡ଼ନ୍ ସମ୍ପାଦକ ଫାହଦ୍ ।
ୟୁପି ଏବଂ ପାକିସ୍ତାନର ଜନସଂଖ୍ୟା ପ୍ରାୟ ସମାନ । ତଥ୍ୟ ଅନୁଯାୟୀ, ଉତ୍ତରପ୍ରଦେଶର ଜନସଂଖ୍ୟା ୨୩.୧୫ କୋଟି ଏବଂ ୧୦୫୩୬ ଜଣ ଲୋକ ସଂକ୍ରମିତ ହୋଇଛନ୍ତି ଓ ୨୭୫ ଜଣ ମୃତ୍ୟୁବରଣ କରିଛନ୍ତି । ଅନ୍ୟପକ୍ଷରେ ପାକିସ୍ତାନରେ ଏହି ମହାମାରୀରେ ୯୮ ହଜାର ୯୪୩ ଜଣ ଲୋକ ଆକ୍ରାନ୍ତ ହୋଇଛନ୍ତି ଓ ମୃତ୍ୟୁସଂଖ୍ୟା ୨ ହଜାର ଅତିକ୍ରମ କରିଛି ।
Here’s another graphic comparison this time between Pakistan and Indian state of Maharashtra (prepared by an expert). This shows how terribly Maharashtra has performed in relation to Pakistan. Shows the outcome of bad decisions & their deadly consequences #COVIDー19
(1/2) pic.twitter.com/6AHenrznIs— Fahd Husain (@Fahdhusain) June 7, 2020
