ସିଙ୍ଗଡ଼ା ସହ ଆମ୍ବ ଚଟଣୀ ସେୟାର କଲେ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ : ମୋଦି କହିଲେ କରୋନା ପରେ ମିଶିକି ଖାଇବା

ନୂଆଦିଲ୍ଲୀ: ସଞ୍ଜରେ ସିଙ୍ଗଡ଼ାର ମହତ୍ବ କ’ଣ ତାହା କେବଳ ଭାରତୀୟମାନେ ହିଁ କହି ପାରିବେ । ଆମ ଦେଶରେ ସିଙ୍ଗଡ଼ାର ବହୁତ ଦିୱାନା ଆଉ ସିଙ୍ଗଡ଼ା କଥା କହିଲେ ଅନେକଙ୍କ ପାଟିରେ ତ ଲାଳ ଜକେଇ ଆସିବା ଦେଖାଯାଏ । ହେଲେ ବିଦେଶରେ ବି ସିଙ୍ଗଡ଼ା ପ୍ରେମିକ ଅଛନ୍ତି ଆଉ ପୁଣି ହାଇ ପ୍ରୋଫାଇଲ ଲୋକ ସେ କଥା ସହଜରେ ଅନେକ ବିଶ୍ବାସ କରି ପାରନ୍ତି ନାହିଁ । ହେଲେ ଆଜିର ଦିନରେ ଭାରତୀୟ ଚଟପଟି ଖାଦ୍ୟ ସିଙ୍ଗଡ଼ା ଜାତୀୟ ଗଣମାଧ୍ୟମର ଶୀର୍ଷକ । ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ ମୋସିସନ୍ ତାଙ୍କ ଟ୍ବିଟରରେ ସିଙ୍ଗଡ଼ା ଆଉ ଚଟଣୀ ଫଟୋ ଅପଲୋଡ଼ କରିବା ପରେ ଏହାକୁ ନେଇ ବେଶ ରୋଚକ ଚର୍ଚା ଆରମ୍ଭ ହୋଇଛି ।

ଜୁନ୍ ୪ ତାରିଖରେ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ମୋସିସନ ଓ ଭାରର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମଧ୍ୟରେ ଆଲୋଚନା ହେବାର କାର୍ଯ୍ୟକ୍ରମ ରହିଛି । ଭିଡିଓ କନଫରେନ୍ସିଂ ଯୋଗେ ଏହି ଆଲୋଚନା ହେବ । ଯେଉଁଥିରେ କରୋନା ଓ ଉତ୍ତରକରୋନା ସମୟରେ ଉଭୟ ଦେଶ ଓ ବିଶ୍ବର ଆର୍ଥିକ କାର୍ଯ୍ୟକ୍ରମ ସମ୍ପର୍କରେ କିଛି ଆଲୋନା ହେବାର ସମ୍ଭାବନା ଅଛି ।

ଏହା ପୂର୍ବରୁ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ୍ ମୋରିସନ୍ ନିଜ ଟ୍ବିଟର ଆକାଉଣ୍ଟରେ ଲେଖିଥିଲେ  ‘‘ଆମ୍ବ ଚଟଣୀ ସହ ରବିବାର ସିଙ୍ଗଡା’’ । ଚଳିତ ସପ୍ତାହରେ ତାଙ୍କ ସହ ଭିଡିଓ କନଫରେନ୍ସିଂ ଅଛି । ସେ ଶାକାହାରୀ ଅଟନ୍ତି । ତେଣୁ ଏହା (ସିଙ୍ଗଡ଼ା ଓ ଚଟଣୀ) ତାଙ୍କ ସହ ସେୟାର କରିବାକୁ ସେ ପସନ୍ଦ କରିବେ ।

Sunday ScoMosas with mango chutney, all made from scratch – including the chutney! A pity my meeting with @narendramodi this week is by videolink. They’re vegetarian, I would have liked to share them with him. pic.twitter.com/Sj7y4Migu9

— Scott Morrison (@ScottMorrisonMP) May 31, 2020

ମୋରିସନଙ୍କ ଏହି ଟ୍ବିଟ୍ ଉପରେ ପାଲଟା ଟ୍ବିଟ୍ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ସେ ଲେଖିଛନ୍ତି ଏହା (ସିଙ୍ଗଡ଼ା) ଭାରତ ମହା ଭାରତୀୟ ମହାସାଗର ସହ ଜଡ଼ିତ । ଏହା ଅତି ସ୍ବାଦିଷ୍ଟ । ଆମେ ଯେତେବେଳେ କରୋନା ମୁକାବିଲାରେ ସଫଳ ହେବା ସେତେବେଳେ ସିଙ୍ଗଡ଼ାରର ମଜା ମିଳିମିଶି ଉଠାଇବା ବୋଲି ସେ କହିଛନ୍ତି ।

Connected by the Indian Ocean, united by the Indian Samosa!

Looks delicious, PM @ScottMorrisonMP!

Once we achieve a decisive victory against COVID-19, we will enjoy the Samosas together.

Looking forward to our video meet on the 4th. https://t.co/vbRLbVQuL1

— Narendra Modi (@narendramodi) May 31, 2020

ଦୁଇ ଦେଶର ପ୍ରଧାନମନ୍ତ୍ରୀଙ୍କ ‘‘ସିଙ୍ଗଡ଼ା’’ କଥୋପକଥନ ଏବେ ସାମାଜିକ ଗଣମାଧ୍ୟମରେ ବେଶ୍ ଚର୍ଚା ଧରିଛି । ମୋରିସନଙ୍କ ସିିଙ୍ଗଡ଼ା ଟ୍ବିଟକୁ ୧୨ ହଜାରରୁ ଅଧିକ ଲୋକ ରି-ଟ୍ବିଟ୍ କରିଛନ୍ତି । ୬୮ ହଜାର ଲୋକ ଏହାକୁ ଲାଇକ୍ କରିଛନ୍ତି । ଭାରତର ବହୁ ରାଜନେତା ଓ ସାଧାରଣ ଲୋକ ମଧ୍ୟ ଏଥିରେ ରି-ଟ୍ବିଟ୍ ଓ ଲାଇକ୍ କରିଥିବାର ଦେଖାଯାଇଛି ।

Proposing your name for ?????Michelin Star

— Meenakashi Lekhi (@M_Lekhi) May 31, 2020