କଲକାତା: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ରେଲୱେକୁ ଚିଠି ଲେଖି ରାଜ୍ୟକୁ ଶ୍ରମିକ ସ୍ପେଶାଲ ଟ୍ରେନ ନ ପଠାଇବାକୁ ଅନୁରୋଧ କରିଛନ୍ତି। ରାଜ୍ୟରେ ବାତ୍ୟା ଅମ୍ପନ ଯୋଗୁ କ୍ଷତିଗ୍ରସ୍ତ ହୋଇଥିବା ଅଞ୍ଚଳଗୁଡ଼ିକରେ ଜିଲା ପ୍ରଶାସନ ରିଲିଫ ଏବଂ ପୁନରୁଦ୍ଧାର କାର୍ଯ୍ୟରେ ବ୍ୟସ୍ତ ରହିଛି। ଏଥିପାଇଁ ଅଧିକାରୀମାନଙ୍କ ପକ୍ଷେ ଶ୍ରମିକ ସ୍ପେଶାଲ ଟ୍ରେନକୁ ରିସିଭ୍ କରିବା ସମ୍ଭବ ନୁହେଁ। ତେଣୁ ଆସନ୍ତା ୨୬ ତାରିଖ ପର୍ଯ୍ୟନ୍ତ ରାଜ୍ୟକୁ ଟ୍ରେନ ନ ପଠାଇବାକୁ ମମତା ଅନୁରୋଧ କରିଛନ୍ତି।
ସୂଚନାଯୋଗ୍ୟ, ରାଜ୍ୟରେ ବାତ୍ୟା ପ୍ରଭାବରେ ୮୦ ଜଣଙ୍କ ମୃତ୍ୟୁ ଘଟିଛି। ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପଶ୍ଚିମବଙ୍ଗ ଗସ୍ତ କରି ଆକାଶମାର୍ଗରୁ ବାତ୍ୟା ପ୍ରଭାବିତ ଅଞ୍ଚଳ ପରିଦର୍ଶନ କରିବା ସହିତ ୧ ହଜାର ଟଙ୍କାର ଅଗ୍ରିମ ସହାୟତା ଘୋଷଣା କରିଥିଲେ। ତେବେ ଏହା ପୂର୍ବରୁ ମଧ୍ୟ ଶ୍ରମିକ ସ୍ପେଶାଲ ଟ୍ରେନକୁ ନେଇ କେନ୍ଦ୍ର ସରକାର ଏବଂ ମମତା ମୁହାଁମୁହିଁ ହୋଇଥିଲେ।
