ଧାମରା: ଚାନ୍ଦବାଲି ବ୍ଲକ ଅନ୍ତର୍ଗତ ବାଂଶଡା ଥାନା ଅଧୀନସ୍ଥ ଧାମରା ବନ୍ଦର ରେଳପୋଲରୁ ଖସି ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ମୃତକ ଜଣକ ହେଲେ ବାଂଶଡା ଥାନା ଅଧୀନ ହରିପୁର ଗ୍ରାମର ପଞ୍ଚାନନ ବଳ(୬୦)। ଆଜି ସକାଳ ୮ଟା ସମୟରେ ସେ ପୋଲରେ ଯାଉଥିବା ସମୟରେ ଭାରସାମ୍ୟ ରକ୍ଷା କରି ନ ପାରି ଖସି ପଡିଥିଲେ। ତାଙ୍କ ମୁଣ୍ଡ ପୋଲ ତଳେ ପଡିଥିବା ପଥରରେ ମାଡ଼ ହୋଇଥିଲା। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ବାଂଶଡା ମେଡିକାଲରେ ଭର୍ତ୍ତି କରିଥିଲେ। ସେଠାରେ ଡାକ୍ତର ପଞ୍ଚାନନଙ୍କୁ ମୃତ ଘୋଷଣା କରିଥିଲେ। ଅତ୍ୟଧିକ ରକ୍ତସ୍ରାବ ଯୋଗୁଁ ପଞ୍ଚାନନଙ୍କ ମୃତ୍ୟୁ ଘଟିଥିବା ଜଣାପଡ଼ିଛି। ବାଂଶଡା ପୁଲିସ ତଦନ୍ତ ଆରମ୍ଭ କରିଛି।
