ସୁଆଣ୍ଡୋ : ଶହ ଶହ ବର୍ଷ ଧରି ହୋଇ ଆସୁଥିବା ବାଲି ପୋଖରୀ ଭାଗବତ ମେଳଣ ଶନିବାର ଦିନ କରୋନା ସଂକ୍ରମଣ ଭୟରେ ଫିକା ପଡିଲା । ଚୈତ୍ର କୃଷ୍ଣ ଚତୁର୍ଥୀ ତିଥିରେ ପ୍ରତି ବର୍ଷ ଏହି ମେଳଣ ବାଲି ପୋଖରୀ ସ୍ଥିତ ପଡିଆରେ ଅନୁଷ୍ଠିତ ହୋଇଥାଏ । ନୂଆ ପାଟଣା ଗ୍ରାମର ଥାନାପତି ଭାଗବତ ଠାକୁର ମେଳଣ କୁ ସଜ୍ଜିତ ବିମାନରେ ବିଜେ କରି ଛତି ମଶାଲ ଘଣ୍ଟଟିଏ ବାଜି ମେଳଣ ପଡିଆରେ ଖୁଣ୍ଟି ଲାଗି ହୋଇଥିଲେ । କୋଠସାହି ଗ୍ରାମ ତରଫରୁ ମେଳଣରେ ପ୍ରସିଦ୍ଧ ତଗା ପୋତା ନଯାଇ ବିଧିରକ୍ଷା ପାଇଁ ବାଉଁଶ ଟିଏ ପୋତା ଯାଇଥିଲା । ପାଖ ପଡୋଶୀ ଖଡି କୁଦା ଝଜା ପଡା ଆନନ୍ଦ ପୁର ବଳପୁର ନୂଆପଡା ବିଦ୍ୟାଧରପୁର ସାରଙ୍ଗଯୋଡି ଛଣଘର ଆଦି ତିରିଶଟି ଗ୍ରାମରୁ ଠାକୁରଙ୍କ ଆଜ୍ଞାମାଳ ଘଣ୍ଟରେ ଆସିଥିଲେ । ମେଳଣରେ ପୂଜକ ଫଗୁ ଫୁଲ ତୁଳସୀ ଭୋଗ ଆଟିକା ଦିହୁଡି ପାଇଁ ପୁଲାଙ୍ଗ ତେଲ ଆଦି ଦେଇ ଠାକୁର ବାଟ ବରଣୀ କରିଥିଲେ । ଆଜ୍ଞାମାଳ ଖୁଣ୍ଟି ଛୁଇଁବା ପରେ ଗ୍ରାମକୁ ବାହୁଡି ଯାଇଥିଲେ । ସାତସାହି ମେଳଣ କମିଟି ଆନୁକୂଲ୍ୟରେ ଦୁଇଦିନ ଧରି ଏହି ମେଳଣ କରା ଯାଇଥାଏ । କରୋନା ସଂକ୍ରମଣ ପାଇଁ ଜାରି କରାଯାଇ ଥିବା ଲକ୍ ଡାଉନ ଯୋଗୁଁ ଏବର୍ଷ ମେଳଣ ରେ କେବଳ ପାରମ୍ପରିକ ଦେବନୀତି କରାଯାଇ ଶେଷ ହୋଇଛି । ଦୁଇ ଜଣ ପୂଜକଙ୍କ ବ୍ୟତୀତ ମେଳଣ ଜନଶୂନ୍ୟ ରହିଥିବା ଦେଖାଯାଇ ଥିଲା।
Popular Categories
Previous article
Next article