ବାଲିଗୁଡ଼ା : ଲକ ଡାଉନ ସମୟରେ ଘରୁ ବହାରକୁ ନ ବାହାରିବା ପାଇଁ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ ଓ ମୁଖ୍ୟମନ୍ତ୍ରା ନବୀନ ପଟ୍ଟନାୟକ ଅନୁରୋଧ କରିଥିବା ବେଳେ ଏହାକୁ କିଛି ଯୁବକ ମାନୁ ନ ଥିବା ଦେଖିବାକୁ ମିଳିଛି । ବିନା କାରଣରେ ରାସ୍ତାରେ ଚଲାବୁଲା କରୁଛନ୍ତି। ଏ ଭଳି କିଛି ଦୃଶ୍ୟ କନ୍ଧମଳା ଜିଲା ବାଲିଗୁଡ଼ାରେ ଦେଖିବାକୁ ମିଳିଛି। ଏହି ନିୟମ ଖିଲାପକାରୀଙ୍କ ପାଇଁ ବାଲିଗୁଡ଼ା ପୁଲିସ୍ ଅଭିନବ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ‘ମୁଁ ଗୋଟିଏ ସ୍ୱାର୍ଥପର। ମୁଁ ବୁଲିବା ଚକ୍କରରେ ସମାଜକୁ ବିପଦକୁ ଠେଲିପାରେ। ଏଥିପାଇଁ ମୁଁ ଅନୁତପ୍ତ ବି ନୁହେଁ।’ ଏଭଳି ଲେଖା ଥିବା ପୋଷ୍ଟରକୁ ପୁଲିସ୍ ରାସ୍ତାରେ ବୁଲାବୁଲି କରୁଥିବା କିଛି ଯୁବକଙ୍କ ହାତରେ ଧରାଇ ଛିଡ଼ା କରାଇଥିଲା । ଏହାସହ ସେମାନଙ୍କ ଫଟୋ ଉଠାଇ ସୋଶାଲ ମିଡିଆରେ ଛାଡ଼ିବାକୁ ଚେତାବନୀ ଦିଆଯାଇଥିଲା। ଏଭଳି କରିବା ଦ୍ୱାରା ଲୋକେ ଲଜ୍ଜିତ ହେବେ ଓ ଆଉ ଘରୁ ବାହାରିବେ ନାହିଁ । ଲୋକମାନଙ୍କୁ ସଚେତନ କରିବା ପାଇଁ ଏପରି କରାଯାଇଥିବା ବାଲିଗୁଡ଼ା ପୁଲିସ୍ ପକ୍ଷରୁ କୁହାଯାଇଛି।
Popular Categories
Previous article
Next article