ଯାଜପୁର: ଆଜି ପବିତ୍ର ଦୋଳ ପୂର୍ଣ୍ଣିମା । ଆଜି ଠାରୁ ରାଧାକୃଷ୍ଣ ଦୋଳ ବିମାନରେ ବାହାରିଥାନ୍ତି। ଦୋଳ ପୂର୍ଣ୍ଣମାରେ ରଂଗର ପର୍ବ ହୋଲି ଖେଳାଯାଇଥାଏ। ଆସନ୍ତାକାଲି ସାରା ଦେଶରେ ହୋଲି ଖେଳ ହେବାକୁ ଥିବା ବେଳେ ଯାଜପୁରର କେତେକ ଅଂଚଳରେ ଆଜି ଠାରୁ ଏହି ହୋଲି ଆରମ୍ଭ ହୋଇଛି। ଯାଜପୁରର ଅଧିଷ୍ଠାତ୍ରୀ ଦେବୀ ମା’ ବିରଜାଙ୍କ ସ୍ୱତନ୍ତ୍ର ପଂଜିକା ଅନୁଯାୟୀ ଏହି ହୋଲି ପର୍ବ ଆଜି ପାଳନ ହୋଇଥାଏ। ଚଳିତ ବର୍ଷ ବିଦେଶୀ ରଂଗ ବଦଳରେ କେବଳ ଅବିରରେ ହୋଲି ଖେଳିଛନ୍ତି ଯାଜପୁରବାସୀ। ପରସ୍ପରକୁ ଅବିର ବୋଳି ହୋଲିର ଶୁଭେଚ୍ଛା ଜଣାଇ ମିଠା ଖୁଆଇ ହୋଲି ପର୍ବ ପାଳନ କରିଛନ୍ତି ସମସ୍ତେ। କେକେକ ସ୍ଥାନରେ ଭୋଜି ଭାତର ଆୟୋଜନ ମଧ୍ୟ କରାଯାଇଛି। ଏହି ହୋଲି ପର୍ବରେ ଛୋଟ ଠାରୁ ଆରମ୍ଭ କରି ବୟସ୍କ ପର୍ୟ୍ୟନ୍ତ ସମସ୍ତେ ସାମିଲ ହୋଇଛନ୍ତି ଏହି ରଂଗର ପର୍ବରେ। ଚଳିତ ବର୍ଷ କୋରୋନାର ପ୍ରଭାବ ଯୋଗୁଁ ଅନେକ ହୋଲି ଖେଳରୁ ଦୂରେଇ ରହିଛନ୍ତି। ବିଦେଶୀ ରଂଗ ବଦଳରେ ଅବିର ବ୍ୟବହାର ନେଇ ଲୋକଙ୍କୁ ସଚେତନ ମଧ୍ୟ କରାଯାଉଛି।
ଅବଦଲପୁର ଅଂଚଳରେ ଏକ ନିଆରା ଢ଼ଙ୍ଗରେ ଏହି ହୋଲି ପର୍ବ ପାଳନ କରାଯାଇଛି। ହୋଲିରେ କୌଣସି ରଂଗ ବ୍ୟବହାର ନ କରି ଚନ୍ଦନର ବ୍ୟବହାର ହୋଇଛି। ପରସ୍ପରକୁ ଗୋଲାପ ପୁଂଲ ଦେଇ ମିଠା ଖୁଆଇ ହୋଲି ର ଅଭିନନ୍ଦନ ଜଣାଯାଇଛି। ଏଥିସହିତ ଗୁପଚୁପ, ଚାର୍ଟ ଖାଇ ସମସ୍ତେ ହୋଲି ମଜା ଉଠାଉଛନ୍ତି।
Comments are closed.