ଭୁବନେଶ୍ୱର: ଭୁବନେଶ୍ୱର-କଟକ ୧୬ ନମ୍ବର ଜାତୀୟ ରାଜପଥର ଫୁଲନଖରାଠାରେ ଶନିବାର ସନ୍ଧ୍ୟାରେ ଏକ ଦୁର୍ଘଟଣା ଘଟିଛି। ଦୁର୍ଘଟଣାରେ ଜଣକର ମୃତ୍ୟୁ ହୋଇଥିବା ସୂଚନା ମିଳିଛି। ଦ୍ରୁତ ଗତିରେ ଯାଉଥିବା ଏକ କାର ନିୟନ୍ତ୍ରଣ ହରାଇବା ଫଳରେ ଏହି ଦୁର୍ଘଟଣା ଘଟିଥିବା ପ୍ରାଥମିକ ଭାବେ ସୂଚନା ମିଳିଛି। ଫଳରେ ସେହି ରାସ୍ତାର ଉଭୟ ପାର୍ଶ୍ୱରେ ଶହ ଶହ ଗାଡି ଅଟକି ରହିଛି।
ବିଶେଷ ଭାବରେ ସନ୍ଧ୍ୟା ସମୟରେ ଭୁବନେଶ୍ୱର-କଟକ ୧୬ ନମ୍ବର ଜାତୀୟ ରାଜପଥ ପ୍ରବଳ ଜାମ ରହେ ଏବଂ ଆଜି ସନ୍ଧ୍ୟାରେ ଦୁର୍ଘଟଣା ଫଳରେ ଭୁବନେଶ୍ୱର ପଟୁ ରସୁଲଗଡ଼ ଠାରୁ ଗାଡି ଜାମ ଲାଗିଥିବା ବେଳେ କଟକ ପଟୁ ଆସୁଥିବା ଗାଡ଼ିଗୁଡ଼ିକୁ ବାଲିକୁଦା ଠାରୁ ତ୍ରିସୁଳିଆ ଦେଇ ନନ୍ଦନକାନନ ରାସ୍ତାରେ ଚଳାଚଳ କରୁଛି ଓ ଭୁବନେଶ୍ୱରରୁ ମଧ୍ୟ ନନ୍ଦନକାନନ ରାସ୍ତା ଦେଇ ଗାଡି ଚଳାଚଳ କରୁଥିବା ଜଣାପଡିଛି। ପୁଲିସ ଘଟଣାସ୍ଥଳରୁ ଦୁର୍ଘଟଣା ଗ୍ରସ୍ତ କାରକୁ ହଟାଇବା ପରେ ଟ୍ରାଫିକ ପକ୍ଷରୁ ଯାତାୟାତ ସ୍ୱାଭାବିକ କରିବାକୁ ଚେଷ୍ଟା ଚାଲିଛି।
