ଘରୋଇ ନ୍ୟୁଜିଲାଣ୍ଡକୁ ୩ୟ ଟ୍ବେଣ୍ଟି୨୦ ମ୍ୟାଚ୍ରେ ସୁପର ଓଭର ଜରିଆରେ ପରାସ୍ତ କରିଥିଲା ଭାରତ। ଉଭୟ ଦଳ ନିର୍ଦ୍ଧାରିତ ଓଭରରେ ୧୭୯ ରନ୍ କରିବାରୁ ମ୍ୟାଚ୍ ଟାଇ ହୋଇଥିଲା। ଫଳାଫଳ ନିର୍ଣ୍ଣୟ ପାଇଁ ସୁପର ଓଭରର ସହାୟତା ନିଆଯାଇଥିଲା। ସୁପର ଓଭରରେ ନ୍ୟୁଜିଲାଣ୍ଡ ଦଳ ୧୭ ରନ୍ କରିଥିଲା। ବିଜୟ ପାଇଁ ଭାରତ ୧୮ ରନ୍ ଆବଶ୍ୟକ ରୁଥିବା ବେଳେ ରୋହିତ ଶର୍ମା ଓ କେଏଲ୍ ରାହୁଲ ବ୍ୟାଟିଂ ପାଇଁ ଓହ୍ଲାଇଥିଲେ। ନ୍ୟୁଜିଲାଣ୍ଡ ପକ୍ଷରୁ ଟିମ୍ ସାଉଦି ବୋଲିଂ କରୁଥିବା ବେଳେ ଅଧିକାଂଶ ବଲ୍ରେ ସେ ଭାରତୀୟ ବ୍ୟାଟସମ୍ୟାନ୍ଙ୍କୁ ବାନ୍ଧି ରଖିବାକୁ ସକ୍ଷମ ହୋଇଥିଲେ। ତେବେ ଶେଷ ଦୁଇଟି ବଲ୍ରେ ରୋହିତ ଦୁଇଟି ଛକା ମାରି ଭାରତୀୟ ଦଳକୁ ବିଜୟୀ କରାଇଥିଲେ।
ମ୍ୟାଚ୍ ଜିତିବା ପରେ ସାମ୍ବାଦିକଙ୍କ ସହ ଆଲୋଚନା କାଳରେ ରୋହିତ ଶର୍ମା କହିଥିଲେ ପୂର୍ବରୁ ସୁପର ଓଭରରେ ବ୍ୟାଟିଂ କରିବାର ତାଙ୍କର ଅଭିଜ୍ଞତା ନ ଥିଲା। ତେଣୁ କ’ଣ କରିବେ ବୋଲି ଭାବି ପାରିନଥିଲି। ମୂଳରୁ ଆକ୍ରମଣାତ୍ମକ ପ୍ରଦର୍ଶନ କରିବି କି ଶେଷ ବେଳକୁ ବଡ଼ ସଟ୍ ଖେଳିବି ତାହାକୁ ନେଇ ସନ୍ଦିହାନ ଥିବା ବେଳେ ଶେଷ ବେଳକୁ ଛକା ମାରିବାକୁ ନିଷ୍ପତ୍ତି ନେଇଥିଲି। ଏହାକୁ ନେଇ ବେଶ୍ ଖୁସି ଅଛି।
Comments are closed.