ମାର୍ଶାଘାଇ: ଗୁରୁ ସବୁଦିନ ପାଇଁ ଛାତ୍ରଛାତ୍ରୀଙ୍କ ପାଇଁ ମାର୍ଗଦର୍ଶକ ହୋଇ ରହିଥାନ୍ତି ଓ ଛାତ୍ରଛାତ୍ରୀମାନେ ସବୁବେଳେ ଗୁରୁଙ୍କ ପାଇଁ ପ୍ରିୟ ଶିଷ୍ୟ ହୋଇ ରହନ୍ତି। ସେଥିରେ ବୟସ କି ଧନରତ୍ନ କେବେ ବାଧକ ହୋଇ ପାରେନାହିଁ। ଏମିତି ଏକ ଭାବବିହ୍ୱଳ ପରିବେଶ ପୁଣିଥରେ ଉଜ୍ଜୀବିତ କରିଥିଲା ଗୁରୁ-ଶିଷ୍ୟର ଅନନ୍ୟ ପରମ୍ପରା। ମାର୍ଶାଘାଇ ବ୍ଲକ କରିଲୋପାଟଣା ସ୍ଥିତ ଜୟରାମ ଉଚ୍ଚ ବିଦ୍ୟାଳୟର ୧୯୭୭ ବ୍ୟାଚର ଛାତ୍ରଛାତ୍ରୀଙ୍କ ଦ୍ୱାରା ଆୟୋଜିତ ବନ୍ଧୁ ମିଳନ କାର୍ଯ୍ୟକ୍ରମରେ ୪୨ ବର୍ଷର ପୁରାତନ ଶିକ୍ଷାର୍ଥୀମାନେ ବିଦ୍ୟାଳୟର ପ୍ରାକ୍ତନ ଶିକ୍ଷକ ଶିକ୍ଷୟିତ୍ରୀମାନଙ୍କୁ ସମ୍ମାନ ଜଣାଇଛନ୍ତି।
ଭାରତୀୟ ଅର୍ଥ ମନ୍ତ୍ରାଳୟର ସହ-ପ୍ରବନ୍ଧକ କବିତା ମହାନ୍ତିଙ୍କ ସଭାପତିତ୍ୱରେ ଆୟୋଜିତ ସଭାରେ ପୁରାତନ ଶିକ୍ଷକ ଶିକ୍ଷୟିତ୍ରୀମାନେ ଗୁରୁ-ଶିଷ୍ୟ ପରମ୍ପରାର ମହନୀୟତା ସମ୍ପର୍କରେ ଆଲୋଚନା କରିଥିଲେ। ଏହି ଅବସରରେ ପୁରାତନ ଛାତ୍ରଛାତ୍ରୀମାନେ ସାଂସ୍କୃତିକ କାର୍ଯ୍ୟକ୍ରମ ପରିଚାଳନା କରିଥିଲେ।
