ଟିଟିଲାଗଡ଼ : ଟିଟିଲାଗଡ଼ ଠାରେ ବିଭିନ୍ନ ରାଜ୍ୟରୁ ଉଦ୍ଧାର ସ୍ଥାନୀୟ ଦାଦନ ଶ୍ରମିକଙ୍କୁ ନେଇ ଦାଦନ ଶ୍ରମିକ ପାଇଁ କାର୍ଯ୍ୟ କରୁଥିବା ସଂସ୍ଥା ଆଇଜେଏମ ପକ୍ଷରୁ ଏକ କର୍ମଶାଳା ଅନୁଷ୍ଠିତ ହୋଇ ଯାଇଛି। ରାଜ୍ୟ ମହିଳା ଓ ଶିଶୁ ବିକାଶ ମନ୍ତ୍ରୀ ଟୁକୁନୀ ସାହୁ ଏବଂ ବଲାଙ୍ଗୀର ଏସପି ଏଥିରେ ଯୋଗ ଦେଇଛନ୍ତି। ଦାଦନ ଶ୍ରମିକ ତଥା ରାଜ୍ୟର ନିର୍ମାଣ ଶ୍ରମିକଙ୍କ ଉତ୍ଥାନ ପାଇଁ ସରକାରଙ୍କ ଦ୍ୱାରା କଲ୍ୟାଣକାରୀ ଯୋଜନା ସମ୍ପର୍କରେ ମନ୍ତ୍ରୀ ସୂଚନା ଦେଇଛନ୍ତି। ଦାଦନ ଚାଲାଣ ରୋକିବା ପାଇଁ ଆତ୍ମ ନିଯୁକ୍ତି, ପଞ୍ଜିକୃତ ହେବା ପରେ ହିଁ ବାହାରକୁ ଯିବା ପାଇଁ ଏସପି ସତର୍କ କରାଇଛନ୍ତି। ଏହା ସହ ଦାଦନ ଚାଲାଣ ରୋକିବାରେ ସକ୍ରିୟ ଭୂମିକା ନେଇଥିବା ଏସପିଙ୍କୁ ମନ୍ତ୍ରୀ ସମ୍ବର୍ଦ୍ଧିତ କରିଛନ୍ତି। ଦାଦନ ପ୍ରବଣ କଳାହାଣ୍ଡି, ନୂଆପଡ଼ା, ବଲାଙ୍ଗୀର ଜିଲାର ବହୁ ଅଧିକାରୀ ଏବଂ ଶ୍ରମିକ ପରିବାର ଲୋକ ଏହି କର୍ମଶାଳାରେ ଯୋଗ ଦେଇଥିଲେ।
Comments are closed.