ଭୁବନେଶ୍ୱର: ପ୍ରାୟ ୩ ଘଣ୍ଟାର ଅକ୍ଳାନ୍ତ ପରିଶ୍ରମ ପରେ ଅଗ୍ନିଶମ କର୍ମଚାରୀମାନେ ବାଣୀବିହାର(ଉତ୍କଳ ବିଶ୍ୱ ବିଦ୍ୟାଳୟ)ପରିଜା ଲାଇବ୍ରେରୀ ଛାତ ଉପରେ ଚଢିଥିବା ବ୍ୟକ୍ତିଙ୍କୁ ଉଦ୍ଧାର କରିଛନ୍ତି। ବୁଣ୍ଟୋ ସ୍କାଏ ଲିଫ୍ଟ ଜରିଆରେ ଅଗ୍ନିଶମ କର୍ମଚାରୀ ଛାତ ନିକଟକୁ ଯାଇ ତାଙ୍କୁ ବୁଝାସୁଝା କରି ତଳକୁ ଓହ୍ଲାଇ ଆଣିଛନ୍ତି। ବ୍ୟକ୍ତିଙ୍କ ନାମ ସୁବୋଧ ବାରିକ୍ ଓରଫ୍ ତପନ ଏବଂ ତାଙ୍କ ଘର କେନ୍ଦ୍ରାପଡ଼ା ଜିଲା ପଟ୍ଟାମୁଣ୍ଡାଇ ଅଞ୍ଚଳରେ ବୋଲି ଜଣାପଡ଼ିଛି। ସେ ପୋଷ୍ଟ ମାଷ୍ଟର ଚାକିରୀ କରିଥିଲେ। ଚାକିରୀରୁ ଛଟେଇ ପରେ ମାନସିକ ଅବସ୍ଥା ଭଲ ନ ଥିବାରୁ ଏଭଳି ପଦକ୍ଷେପ ନେଇଥିବା କୁହାଯାଇଛି।
ସୂଚନାଯୋଗ୍ୟ, ସକାଳ ପ୍ରାୟ ୯ଟା ସମୟରେ ତପନ ପରିଜା ଲାଇବ୍ରେରୀ ଛାତ ଉପରକୁ ଚଢି ଆତ୍ମହତ୍ୟାର ଧମକ ଦେଉଥିଲେ। ଏହାପରେ ଖବର ପାଇ ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ତାଙ୍କୁ ସୁରକ୍ଷିତ ଭାବରେ ଉଦ୍ଧାର କରିବା ପାଇଁ ଚେଷ୍ଟା ଚଳାଇଥିଲା। ଉଦ୍ଧାରକାର୍ଯ୍ୟରେ ମନସ୍ତତ୍ତ୍ବବିତଙ୍କ ସହାୟତା ମଧ୍ୟ ନିଆଯାଇଥିଲା।
ସଫଳ ହେଲା ୩ ଘଣ୍ଟାର ଅକ୍ଳାନ୍ତ ପରିଶ୍ରମ: ଉଦ୍ଧାର ହେଲେ ପରିଜା ଲାଇବ୍ରେରୀ ଛାତ ଉପରେ ଚଢିଥିବା ବ୍ୟକ୍ତି
Popular Categories
Previous article
Next article