ଶ୍ରୀନଗର : ଚଳିତବର୍ଷ ଫେବୃଆରୀ ସୁଦ୍ଧା ଜାମ୍ମୁ କାଶ୍ମୀରର ୧୧୫ ଜଣ ଯୁବକ ଭାରତୀୟ ସ୍ଥଳସେନାରେ ଯୋଗଦେଇଥିବା ଜଣାପଡିଛି। ପ୍ରାୟ ଏକ ବର୍ଷ ଧରି ତାଲିମ ପାଇବାପରେ ମଙ୍ଗଳବାର ଏଠାରେ ଆୟୋଜିତ ପରେଡରେ ଏହି ନବନିଯୁକ୍ତ ଯବାନ ଅଂଶଗ୍ରହଣ କରିଥିଲେ। ପାସିଂ ଆଉଟ ପରେଡରେ କାଶ୍ମୀରୀ ଯୁବକଙ୍କ ପରିବାର ଲୋକେ ମଧ୍ୟ ଉପସ୍ଥିତ ଥିଲେ। ଏହି ଅବସରରେ ୧୫ କର୍ପସ କମାଣ୍ଡର ଲେଫ୍ଟନାଣ୍ଟ ଜେନେରାଲ ଏ.କେ.ଭଟ୍ଟ୍ ମୁଖ୍ୟଅତିଥିଭାବେ ଯୋଗଦେଇ ନବାଗତ ଯବାନଙ୍କୁ ବିଭିନ୍ନ ପ୍ରସଙ୍ଗରେ ପରାମର୍ଶ ଦେଇଥିଲେ।
