ନ୍ୟୁୟର୍କ : ପଳାତକ ଗହଣା ବ୍ୟବସାୟୀ ମେହୁଲ୍ ଚୋକ୍ସିଙ୍କୁ ଭାରତକୁ ପ୍ରତ୍ୟର୍ପଣ କରାଯିବ। ଆଣ୍ଟିଗୁଆ ଓ ବାରବୁଡା ପ୍ରଧାନମନ୍ତ୍ରୀ ଗାଷ୍ଟୋନ୍ ବ୍ରାଉନ ଏହା କହିଛନ୍ତି। ସବୁ ଆଇନ୍ଗତ ପ୍ରକ୍ରିୟା ଶେଷ ହେଲା ପରେ ତାଙ୍କୁ ଭାରତକୁ ପ୍ରତ୍ୟର୍ପଣ କରାଯିବା କଥା ଶ୍ରୀ ବ୍ରାଉନେ ବୁଧବାର ରାତିରେ ନ୍ୟୁୟର୍କ ଠାରେ ସାମ୍ବାଦିକମାନଙ୍କୁ କହିଛନ୍ତି।
ଭାରତୀୟ ତଦନ୍ତକାରୀ ସଂସ୍ଥା ମାନେ ଚୋକ୍ସିଙ୍କୁ ଜେରା କରିବା ପାଇଁ କୌଣସି ବାଧା ନାହିଁ ବୋଲି ସେ କହିଛନ୍ତି। ୧୪ହଜାର କୋଟି ପଞ୍ଜାବ ନ୍ୟାସନାଲ୍ ବ୍ୟାଙ୍କ୍ ଦୁର୍ନୀତି ମାମଲାରେ ମେହୁଲ ଚୋକ୍ସି ଅଭିଯୁକ୍ତ ସାବ୍ୟସ୍ତ ହୋଇଛନ୍ତି । ଚୋକ୍ସି ଭାରତରୁ ପଳାଇଯାଇ ଆଣ୍ଟିଗୁଆ ଓ ବାରବୁଡ଼ାର ନାଗରିକତ୍ୱ ଗ୍ରହଣ କରିଛନ୍ତି।
